Keralam

കാലടി: കാഞ്ഞൂർ സെന്റ്: മേരീസ് ഫൊറോന പളളിയിൽ 2027 ജനുവരിയിൽ നടക്കുന്ന വിശുദ്ധ സെബസ്ത്യാനോസിന്റെ തിരുനാളിനുളള കമ്മിറ്റി രൂപീകരിച്ചു. ജനറൽ കൺവീനർ ടി ഡി റോബർട്ട്, ജോയിന്റ് ജനറൽ കൺവീനർ ജോൺസൺ ചേറ്റുങ്കൽ, സെക്രട്ടറി സജി ചക്കരക്കാടൻ, ജോയിന്റ് സെക്രട്ടറി സിജോ മരോട്ടിപറമ്പൻ, ട്രഷറർ അമൽ ചോറ്റുപുറം എന്നിവരെ തിരഞ്ഞെടുത്തു. 2027 ജനുവരി 19, 20 തിയതികളിലാണ് തിരുനാൾ, എട്ടാമിടം 26, 27 തിയതികളിൽ

അങ്കമാലി: അങ്കമാലി അങ്ങാടിക്കടവ് റോഡിൽ നാല് കിലോ കഞ്ചാവുമായി രണ്ട് പശ്ചിമ ബംഗാൾ സ്വദേശികളെ എക്സൈസ് സംഘം അറസ്റ്റ് ചെയ്തു. മുഷിദാബാദ് സ്വദേശികളായ ഹബിബുർ റഹ്മാൻ മണ്ഡൽ (55), ഹബിബുർ റഹ്മാൻ (37) എന്നിവരാണ് പിടിയിലായത്. തിങ്കളാഴ്ച രാവിലെ 10.30ഓടെയായിരുന്നു സംഭവം. തൃശൂർ, ആലുവ റെയിൽവേ സ്റ്റേഷനുകളിലെ പരിശോധന ഒഴിവാക്കുന്നതിനായി പ്രതികൾ തിരൂർ റെയിൽവേ സ്റ്റേഷനിൽ ഇറങ്ങിയ ശേഷം യൂബർ ടാക്സിയിൽ അങ്കമാലിയിലെത്തുകയായിരുന്നു. തുടർന്ന് താമസസ്ഥലത്തേക്ക് പോകുന്നതിനിടെയാണ് എക്സൈസ് സംഘം ഇവരെ പിടികൂടിയത്.അങ്കമാലി മേഖലയിലെ ഇതര സംസ്ഥാന […]

കൊച്ചി: “അമ്മേ, ഈ സാധനം എവിടെയാണ് വെച്ചത്?”, “ഇന്നലെ നമ്മൾ എവിടെയാണ് പോയത്?”… നിങ്ങളുടെ ബന്ധുക്കളിലോ സുഹൃത്തുക്കളിലോ ഉള്ള ആരെങ്കിലും ഇത്തരം ചെറിയ ചെറിയ ചോദ്യങ്ങൾ ആവർത്തിക്കാറുണ്ടോ‍? അത് നിസ്സാരമെന്ന് കരുതി തള്ളിക്കളയാനുള്ളതല്ലെന്ന് പറയുകയാണ് പ്രശസ്ത ന്യൂറോ സർജനും വി.പി.എസ് ലേക്‌ഷോര്‍ ഹോസ്പിറ്റൽ സീനിയർ കൺസൾട്ടന്‍റുമായ ഡോ. അരുൺ ഉമ്മൻ. -പരിചിതമായ കാര്യങ്ങൾ ചെയ്യാൻ ബുദ്ധിമുട്ടുക, -വാക്കുകൾ കിട്ടാതെ വരിക, -പരിചിതമായ സ്ഥലങ്ങളിൽ പോലും വഴി തെറ്റുക തുടങ്ങിയവയൊക്കെ അൽഷിമേഴ്സിന്‍റെ മുന്നറിയിപ്പാകാം. ലോക അൽഷിമേഴ്സ് ദിനമായ ഇന്ന് […]

അങ്കമാലി: എറണാകുളം–അങ്കമാലി അതിരൂപത വൈദികനും വിവിധ ഇടവകകളിലും സ്ഥാപനങ്ങളിലും സേവനം ചെയ്തിരുന്ന മോൺസിഞ്ഞോർ ഫാ. ആൻറണി പുന്നശ്ശേരി (83) നിര്യാതനായി. എടക്കുന്ന് സെന്റ് പോൾസ് പ്രീസ്റ്റ്സ് ഹോമിൽ വിശ്രമജീവിതം നയിച്ചുവരികയായിരുന്നു. ഏതാനും ദിവസങ്ങളായി അങ്കമാലി ലിറ്റിൽ ഫ്ലവർ ആശുപത്രിയിൽ ചികിത്സയിലായിരുന്നു. സംസ്കാരം ബുധനാഴ്ച ഉച്ചകഴിഞ്ഞ് 2.30ന് നോർത്ത് തുറവൂർ സെന്റ് അഗസ്റ്റിൻ പള്ളിയിൽ നടക്കും. ബുധനാഴ്ച രാവിലെ 7.30ന് എടക്കുന്ന് പ്രീസ്റ്റ്സ് ഹോമിൽ മൃതദേഹം പൊതുദർശനത്തിന് വയ്ക്കും. പ്രാർത്ഥനയ്ക്കുശേഷം രാവിലെ 8 മണിയോടെ തുറവൂരിലെ അച്ചന്റെ തറവാട്ടുവീട്ടിലേക്ക് […]

അങ്കമാലി: അങ്കമാലിയിൽ ബന്ധുക്കളായ യുവതിയെയും യുവാവിനെയും ട്രെയിനിടിച്ച് മരിച്ച നിലയിൽ കണ്ടെത്തി. കൊല്ലം വളവത്തുങ്കൽ സ്വദേശി വിസ്മയ, കണ്ണനല്ലൂർ സ്വദേശി അഭിലാഷ് എന്നിവരാണ് മരിച്ചത്. ഇരുവരും ബന്ധുക്കളാണ്. കഴിഞ്ഞ രണ്ടുദിവസമായി ഇരുവരേയും കാണാനില്ലായിരുന്നു. ഇതേത്തുടർന്ന് ബന്ധുക്കൾ പോലീസിൽ പരാതി നൽകുകയും ഇവരെ അന്വേഷിച്ചു വരികയായിരുന്നു. ഇതിനിടെയിലാണ് ഇരുവരേയും ട്രെയിൻ തട്ടി മരിച്ച നിലയിൽ കണ്ടെത്തിയത്. ഇന്ന് പുലർച്ചെ 1:45 നാണ് അങ്കമാലിയിൽ അപകടം നടന്നത്. തൃശ്ശൂർ ഭാഗത്തേക്കുള്ള ട്രെയിൻ പോയതിന് ശേഷമാണ് ഇരുവരേയും മരിച്ച നിലയിൽ കണ്ടെത്തിയത്. […]

ന്യൂഡൽഹി: രാജ്യതലസ്ഥാനത്തെ ഞെട്ടിച്ച് വീണ്ടും ക്രൂരമായ ബലാത്സംഗ കൊലപാതകം. 17 വയസ്സുകാരിയെ കൂട്ടബലാത്സംഗത്തിനിരയാക്കി കുത്തിക്കൊലപ്പെടുത്തി മൃതദേഹം വിജനമായ പറമ്പിൽ ഉപേക്ഷിച്ചു. മൃതദേഹ ഭാഗങ്ങൾ തെരുവുനായകൾ തിന്നതായും റിപ്പോർട്ടുകൾ. സംഭവത്തിൽ പ്രായപൂർത്തിയാകാത്ത മൂന്ന് പേർ ഉൾപ്പെടെ നാല് പേരെ പോലീസ് അറസ്റ്റ് ചെയ്തു. കൃത്യത്തിന് ഉപയോഗിച്ച രണ്ട് കത്തികൾ, പ്രതികൾ ധരിച്ചിരുന്ന വസ്ത്രങ്ങൾ, വാഹനം എന്നിവ പോലീസ് കണ്ടെടുത്തു. സെപ്റ്റംബർ 13-നാണ് സെൻട്രൽ ഡൽഹിയിലെ കുഷാക് റോഡിലുള്ള പറമ്പിന് സമീപത്തുനിന്ന് പെൺകുട്ടിയുടെ അഴുകിയ നിലയിലുള്ള മൃതദേഹം പോലീസ് കണ്ടെത്തിയത്. തെരുവുനായ്ക്കൾ മൃതദേഹഭാഗങ്ങൾ ഭക്ഷിച്ച […]

ആലുവ: പട്ടണത്തിൽ കഴിഞ്ഞ ദിവസം നടന്ന രാത്രികാല പരിശോധനയിൽ പതിനാറോളം കേസുകളിൽ ഉൾപ്പെട്ടയാളും, മാനിന്റെ കൊമ്പും എല്ലുകളും ആയി ഇതര സംസ്ഥാന തൊഴിലാളിയും പോലീസ് പിടിയിൽ. ജില്ലാ പോലീസ് മേധാവി കെ എസ് സുദർശന്റെ മേൽനോട്ടത്തിൽ ആലുവ ഡി.വൈ എസ് പി ബൈജു പൗലോസിന്റെ നേതൃത്വത്തിലാണ് ആലുവ പട്ടണത്തിലും പരിസരത്തിലും പോലീസ് രാത്രികാല പരിശോധന നടത്തിയത്. നാല് സംഘങ്ങളായിട്ടായിരുന്നു പരിശോധന. ആലുവ റെയിൽവേ സ്റ്റേഷൻ ഭാഗത്തുനിന്നും സംശയാസ്പദമായ സാഹചര്യത്തിൽ കണ്ട നടത്തറ വെള്ളറ അക്ഷയ് (21) നെ […]

എറണാകുളം: പിറവത്ത് യുവാവിനെ പെട്രോള്‍ ഒഴിച്ച് കത്തിച്ചു. സുഹൃത്തുക്കള്‍ തമ്മിലുള്ള തര്‍ക്കത്തെ തുടര്‍ന്നാണ് യുവാവിനെ പെട്രോള്‍ ഒഴിച്ച് കത്തിച്ചത്. ഗുരുതരമായി പരിക്കേറ്റ കക്കാട് സ്വദേശി അരുണ്‍ കോട്ടയം മെഡിക്കല്‍ കോളജില്‍ ചികിത്സയില്‍ തുടരുകയാണ്. പിറവം സ്‌നേഹഭവന്‍ റോഡില്‍ പുലര്‍ച്ചെ ഒരു മണിയോടെയാണ് സംഭവം നടന്നത്. അമ്മയോട് ഫോണില്‍ മോശമായി സംസാരിച്ചതിനെച്ചൊല്ലിയുള്ള വാക്കുതര്‍ക്കത്തിനൊടുവില്‍ അരുണിനെ സുഹൃത്ത് ജിഷ്ണുവും സംഘവും ചേര്‍ന്ന് പെട്രോളൊഴിച്ച് കത്തിക്കുകയായിരുന്നു. കഴിഞ്ഞ ദിവസമാണ് ജിഷ്ണു വിദേശത്തുനിന്നും നാട്ടിലെത്തിയത്. ഫോണ്‍ വിളിച്ചപ്പോള്‍ ജിഷ്ണുവിന്റെ അമ്മയോട് അരുണ്‍ മോശമായി […]

കൊച്ചി: അനുവദനീയമായ അളവിൽ കൂടുതലായി മദ്യം കൈവശം വെച്ചെന്ന കേസിൽ റിപ്പോർട്ടർ ടിവിയുടെ മാനേജിങ് ഡയറക്റ്റർ ആന്‍റോ അഗസ്റ്റിനെ എക്സൈസ് അറസ്റ്റ് ചെയ്തു. വ്യാഴാഴ്ച പുലർച്ചെ രണ്ടിന് കളമശേരിയിൽ നിന്നാണ് അറസ്റ്റ് ചെയ്തത്. വയനാട്ടിലെ വീട്ടിൽ പൊലീസ് നടത്തിയ പരിശോധനയിൽ അനുവദനീയമായ അളവിൽ കൂടുതലായി മദ്യം കണ്ടെത്തിയതിനെ തുടർന്ന് പൊലീസിന്‍റെ റിപ്പോർട്ടിന്‍റെ അടിസ്ഥാനത്തിലാണ് ആന്‍റോക്കെതിരേ എക്സൈസ് വകുപ്പ് കേസെടുത്തത്. അനുവദനീയമായ പരിധിയിൽ കൂടുതൽ മദ്യം കൈവശം വെച്ചതിന് അബ്കാരി നിയമത്തിലെ ജാമ്യമില്ലാ വകുപ്പുകൾ ഉൾപ്പെടെയുള്ള വിവിധ വകുപ്പുകൾ […]

മൂവാറ്റുപുഴ മാത്യു കുഴൽനാടൻ എംഎൽഎ യുടെ നിർമ്മാണം നടന്നുകൊണ്ടിരിക്കുന്നവീട്ടിലെ മോഷണം, മോഷ്ടാവ് മണിക്കൂറുകൾക്കുള്ളിൽ പിടിയിൽ. പശ്ചിമബംഗാൾ മുർഷിദാബാദ് റാണി നഗർ ചർമുൻസിപാറ ബിഷ്ണു മണ്ഡൽ (24) നെയാണ് കല്ലൂർക്കാട് സർക്കിൾ ഇൻസ്പെക്ടർ സിബി തോമസിന്റെ നേതൃത്വത്തിലുള്ള അന്വേഷണസംഘം മണിക്കൂറുകൾക്കുള്ളിൽ പിടികൂടിയത്. പോത്താനിക്കാട് പോലീസ് സ്റ്റേഷൻ പരിധിയിലുള്ള മടത്തോത്തുപാറ ഭാഗത്തെ നിർമ്മാണം നടന്നുകൊണ്ടിരിക്കുന്ന വീട്ടിൽ നിന്നും അരലക്ഷത്തോളം രൂപ വിലവരുന്ന വയറിംഗ് കേബിളുകൾ മുറിച്ച് കടന്നുകളയുകയായിരുന്നു.മൂവാറ്റുപുഴ കൊച്ചങ്ങാടി ഭാഗത്തെ ഇതര സംസ്ഥാന തൊഴിലാളികൾ താമസിക്കുന്ന സ്ഥലത്തുനിന്നാണ് ഇയാളെ കസ്റ്റഡിയിലെടുത്തത്. […]

ആലുവ: ആലുവ റെയിൽവേ സ്റ്റേഷന് സമീപം വച്ച് കോടനാട് സ്വദേശിയായ പ്രവാസി യുവാവിനെ ആക്രമിച്ച് പണവും ആഭരണവും കവർന്ന സംഭവത്തിൽ പോലീസ് മൂന്ന് പ്രതികളെ അറസ്റ്റ് ചെയ്തു. മഞ്ഞപ്പെട്ടി പ്ലാവിടപ്പറമ്പിൽ സനൽ ചന്ദ്രൻ (38), തിരുവനന്തപുരം പള്ളിക്കൽ ചെമ്പിളവിള സജാദ് ഷാജഹാൻ (25), നെടുമ്പാശ്ശേരി മേക്കാട് മാളിയേക്കൽ വീട്ടിൽ ജോബി (44) എന്നിവരെയാണ് പ്രത്യേക അന്വേഷണ സംഘം അറസ്റ്റ് ചെയ്തത്. സെപ്റ്റംബർ 13 പുലർച്ചെ 3:30-ഓടെയാണ് സംഭവം നടന്നത്. ജില്ലാ പോലീസ് മേധാവി കെ എസ് സുദർശൻ്റെ […]

കാലടി: മദ്യലഹരിയിൽ മകന്റെ ആക്രമണത്തിൽ പിതാവ് കുഴഞ്ഞ് വീണ് മരിച്ചു. മലയാറ്റൂർ സ്വദേശി ദേവസി കുട്ടി (87) ആണ് മരിച്ചത്. മദ്യപിച്ചെത്തിയ ഡേവിസ് ഭാര്യയെ ആക്രമിക്കുന്നതിനിടെ പിടിച്ചുമാറ്റാൻ എത്തിയ പിതാവ് ദേവസി കുട്ടി കുഴഞ്ഞ് വീഴുകയായിരുന്നു. വീഴുന്നതിനിടെ ദേവസി കുട്ടിയുടെ തല ഭിത്തിയിൽ ഇടിക്കുകയായിരുന്നു. ഗുരുതരമായി പരിക്കേറ്റ ദേവസി കുട്ടിയെ ഉടൻ നാട്ടുകാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 3 മണിയോടെയായിരുന്നു സംഭവം ഡേവിസ് മദ്യപിച്ചെത്തി ആക്രമണം നടത്തുന്നത് പതിവായിരുന്നുവെന്നാണ് നാട്ടുകാർ പറയുന്നത്.  സംഭവത്തിൽ പൊലീസ് കാലടി അന്വേഷണം […]

കാലടി: കാലടിയിൽ 5 വയസുകാരിക്ക് ദാരുണാന്ത്യം. മറ്റൂരിൽ ലക്ഷംവീട് ഉന്നതിയിൽ താമസിക്കുന്ന പുതിയാമഠം വീട്ടിൽ രതീഷിന്റേയും ഇന്ദുവിന്റെയും മകൾ മൈഥിലി രതീഷ് ആണ് മരണപ്പെട്ടത്. മരണകാരണം വ്യക്തമായിട്ടില്ല. ഛർദിയെ തുടർന്ന് കുട്ടി ചികിത്‌സയിലാരുന്നു. ഇന്ന് ഉച്ചയോടെയാണ് കുട്ടി മരിച്ചത്. അങ്കമാലിയിലെ സ്വകാര്യ അശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റുമാർട്ടത്തിന് ശേഷം ബന്ധുക്കൾക്ക് വിട്ട് നൽകും. മറ്റൂർ സർക്കാർ സ്‌കൂളിലെ യു.കെ.ജി. വിദ്യാർത്ഥിനിയാണ്.

അങ്കമാലി: അങ്കമാലി വേങ്ങൂർ എംസി റോഡിൽ വാഹനാപകടം ബൈക്ക് യാത്രികന് ദാരുണാന്ത്യം. ബൈക്ക് യാത്രക്കാരൻ ഒക്കൽ സ്വദേശി ഷിന്റോ (49) മരിച്ചു. വേങ്ങൂർ സെന്റ് ജോസഫ്സ് പള്ളിക്കു മുന്നിൽ രാത്രി 8 മണിയോടെയാണ് അപകടം. നിയന്ത്രണം വിട്ട ബൈക്ക് കാലടി ഭാഗത്തു നിന്ന് അങ്കമാലിയിലേക്കു വരികയായിരുന്ന ലോറിയുടെ അടിയിൽ പെടുകയായിരുന്നു. തൽക്ഷണം മരിച്ചു. ബൈക്കിനു പിന്നിൽ കാർ തട്ടിയാണ് നിയന്ത്രണം വിട്ടതെന്നാണു നിഗമനം. മൃതദേഹം അങ്കമാലി താലൂക്ക് ആശുപത്രി മോർച്ചറിയിലേക്കു മാറ്റി.  

കൊച്ചി: സംസ്ഥാനത്ത് വൈദ്യുതി ആവശ്യകതയിൽ വൻ വർധനവ് ഉണ്ടായതിനെ തുടർന്ന് ഒന്നിലേറെ സമയങ്ങളിൽ വൈദ്യുതി നിയന്ത്രണം ഏർപ്പെടുത്താൻ വൈദ്യുത ബോർഡ് നിർബന്ധിതരായിരിക്കുകയാണെന്ന് വൈദ്യുതി മന്ത്രി സണ്ണി ജോസഫ്. കഴിഞ്ഞവർഷം ഈ കാലയളവിൽ ഉണ്ടായിരുന്നതിനേക്കാൾ ആയിരത്തിലധികം മെഗവാട്ടിന്റെ അധിക ആവശ്യകതയാണ് നിലവിലുള്ളതെന്ന് മന്ത്രി പറഞ്ഞു. നിലവിലെ പ്രതിസന്ധി പരിഹരിക്കാൻ വൈദ്യുതി ബോർഡ് ചെയർമാനുമായി ചർച്ച നടത്തിയെന്നും മന്ത്രി പറഞ്ഞു. പുതിയ കെട്ടിടങ്ങളുടെ നിർമാണവും എസി, ഫാൻ എന്നിവയുടെ അമിത ഉപയോഗവും രാത്രികാലങ്ങളിൽ ഇലക്ട്രിക് വാഹനങ്ങൾ വ്യാപകമായി ചാർജ് ചെയ്യുന്നതും പീക്ക് അവറിലെ വൈദ്യുതി ഉപയോഗം ഗണ്യമായി ഉയർത്തിയിട്ടുണ്ട്. […]

ശ്രീശങ്കരാചാര്യ സംസ്കൃത സർവകലാശാലയിലെ ചരിത്രവിഭാഗം ഗവേഷക വിദ്യാർത്ഥിനിയായ ട്രീസ ജാക്സണിനെ  2026ലെ ഇറാസ്മസ് പ്ലസ് സ്റ്റുഡന്റ് എക്സ്ചേഞ്ച് പ്രോഗ്രാമിലേയ്ക്ക് തെരഞ്ഞെടുത്തു. വിയന്നയിലെ സെൻട്രൽ യൂറോപ്യൻ യൂണിവേഴ്സിറ്റിയിലാണ് ഇറാസ്മസ് പ്ലസ് പ്രോഗ്രാമിലൂടെ ട്രീസ ജാക്സണിന് ഉന്നതപഠനത്തിന് അവസരം ലഭിച്ചിരിക്കുന്നത്. സെന്‍ട്രൽ യൂറോപ്യന്‍ യൂണിവേഴ്സിറ്റിയിലെ ചരിത്ര പഠന വിഭാഗത്തിലേക്ക്   തെരഞ്ഞെടുക്കപ്പെട്ട ട്രീസ ജാക്സണ്‍ 2026 സെപ്റ്റംബര്‍ ഒന്ന് മുതല്‍ ഡിസംബര്‍ 31 വരെ നടക്കുന്ന ഫാള്‍ സെമസ്റ്ററില്‍ അക്കാദമികവും ഗവേഷണപരവുമായ പ്രവര്‍ത്തനങ്ങളിൽ ഏര്‍പ്പെടും.  ഈ കാലയളവില്‍ സെന്‍ട്രൽ യൂറോപ്യന്‍ യൂണിവേഴ്സിറ്റിയിലെ […]

തൈറോയ്ഡിന്‍റെ പ്രയാസങ്ങൾ മൂലം ബുദ്ധിമുട്ടുന്ന നിരവധിയാളുകൾ നമുക്കിടയിലുണ്ട്. ഇതിനെക്കുറിച്ച് കൃത്യമായ അവബോധം നൽകി ഉചിതമായ ചികിത്സ ഉറപ്പാക്കേണ്ടത് അനിവാര്യമാണ്. പ്രായഭേദമന്യേ ഒരുപാട് ആളുകൾ ഈ രോഗത്താൽ പ്രയാസപ്പെടുന്നുണ്ട്. തൈറോയ്ഡിന്‍റെ പ്രവർത്തനക്കുറവ് മൂലം ഉണ്ടാകുന്ന ഹൈപ്പോ തൈറോയ്ഡിസമാണ് ഇതിൽ ഏറ്റവും കൂടുതൽ. ശരീരഭാരം വർധിക്കൽ, ഉറക്കക്കൂടുതൽ, ബുദ്ധിമാന്ദ്യം തുടങ്ങിവയും ഇതുമായി ബന്ധപ്പെട്ട് കണ്ടുവരാറുണ്ട്. വളരെ സുരക്ഷിതമായി ഉപയോഗിക്കാവുന്ന തൈറോക്സിൻ ഗുളികയിലൂടെ ഹൈപ്പോതൈറോയ്ഡിസം നന്നായി സുഖപ്പെടുത്താനാകും. തൈറോയ്ഡ് ഗ്രന്ഥി അതിലെ ഹോർമോണായ തൈറോക്സിൻ ആവശ്യത്തിലധികം ഉത്പാദിപ്പിക്കുന്നതാണ് ഹൈപ്പർ തൈറോയ്ഡിസം. പലപ്പോഴും […]

കാലടി: പൊലീസ് ഉദ്യോഗസ്ഥരുടെ അംഗബലക്കുറവ് കാലടി പൊലീസ് സ്റ്റേഷന്റെ ദൈനംദിന പ്രവർത്തനങ്ങളെ കാര്യമായി ബാധിക്കുന്നു. ആവശ്യമായ അംഗബലമില്ലാത്തതിനാൽ നിത്യചുമതലകൾ സമയബന്ധിതമായി പൂർത്തിയാക്കാൻ ഉദ്യോഗസ്ഥർ ബുദ്ധിമുട്ടുകയാണ്. വിവിധ മേഖലകളിലെ ചുമതലകൾ ഒരേസമയം നിർവഹിക്കേണ്ടി വരുന്നതിനാൽ നിലവിലുള്ള പൊലീസ് ഉദ്യോഗസ്ഥർക്ക് അധിക ജോലിഭാരവും ഉണ്ടാകുന്നുണ്ട്. കാലടി പൊലീസ് സ്റ്റേഷനിൽ 60 ഉദ്യോഗസ്ഥരാണ് ആവശ്യമായിട്ടുള്ളത്. എന്നാൽ നിലവിൽ 12 പേരുടെ കുറവാണ് ഉള്ളത്. ഇതിനു പിന്നാലെയാണ് കഴിഞ്ഞ ദിവസം ഒരു ഗ്രേഡ് എസ്.ഐ ഉൾപ്പെടെ നാല് പൊലീസ് ഉദ്യോഗസ്ഥരെ സസ്‌പെൻഡ് ചെയ്തത്. […]

തിരുവനന്തപുരം : സിഎംആര്‍എല്‍ മാസപ്പടി വിഷയത്തില്‍ പ്രതിപക്ഷ നേതാവ് പിണറായി വിജയന്‍, മകൾ ടി. വീണ, ഭർത്താവും മുൻമന്ത്രിയുമായ മുഹമ്മദ് റിയാസ് തുടങ്ങിയവര്‍ക്കെതിരെ അഴിമതി തടയല്‍ നിയമപ്രകാരം കേസെടുക്കണമെന്ന് സംസ്ഥാന പൊലീസ് മേധാവിയോട് ആവശ്യപ്പെട്ട് എൻഫോഴ്സ്മെന്റ് ഡയറക്ടറേറ്റിന്റെ (ഇ.ഡി) അസാധാരണ നീക്കം. അഴിമതി തടയല്‍ നിയമം 66(2) വകുപ്പ് പ്രകാരം കേസില്‍ സമാഹരിച്ച തെളിവുകള്‍ ഉള്‍പ്പെടുത്തി വിശദ റിപ്പോര്‍ട്ട് ഡിജിപിക്കു നല്‍കിയ ഇ.ഡി, ഈ തെളിവുകളുടെ അടിസ്ഥാനത്തില്‍ എഫ്‌ഐആര്‍ റജിസ്റ്റര്‍ ചെയ്യണമെന്നും ആവശ്യപ്പെട്ടിട്ടുണ്ട്. കേസുമായി ബന്ധപ്പെട്ട് പിണറായി […]

കാലടി: ശ്രീ ശാരദ സൈനിക് സ്‌കൂൾ ആതിഥേയത്വം വഹിച്ച സിബിഎസ്ഇ ക്ലസ്റ്റർ ലെവൽ ഇന്റർ-സ്‌കൂൾ ആൺകുട്ടികളുടെ ഫുട്ബോൾ ചാമ്പ്യൻഷിപ്പ് സമാപിച്ചു. അണ്ടർ-14, അണ്ടർ-17, അണ്ടർ-19 വിഭാഗങ്ങളിലായാണ് മത്സരങ്ങൾ നടന്നത്. അണ്ടർ-14 വിഭാഗത്തിൽ പീസ് പബ്ലിക് സ്‌കൂൾ എറണാകുളം, നേവി ചിൽഡ്രൻസ് സ്‌കൂൾ കൊച്ചിയെ 4–3ന് പരാജയപ്പെടുത്തി. അണ്ടർ-17 വിഭാഗത്തിൽ നേവി ചിൽഡ്രൻസ് സ്‌കൂൾ കൊച്ചി, ഭവൻസ് എളമക്കരയെ 1-0 ന് പരാജയപ്പെടുത്തി. അണ്ടർ-19 വിഭാഗത്തിൽ മാർത്തോമ പബ്ലിക് സ്‌കൂൾ കാക്കനാട്, മാതാ സീനിയർ സെക്കൻഡറി സ്‌കൂൾ തുമ്പോളിയെ […]