കാലടി: എ.പി.ജെ. അബ്ദുൾ കലാം സാങ്കേതിക സർവകലാശാലയുടെ (കെ.ടി.യു) വനിതാ വോളിബോൾ ചാമ്പ്യൻഷിപ്പിൽ കാലടി ആദിശങ്കര ഇൻസ്റ്റിറ്റ്യൂട്ട് ഓഫ് എൻജിനീയറിങ് ആൻഡ് ടെക്നോളജി ജേതാക്കളായി. പുത്തൻകുരിശ് മുത്തൂറ്റ് എൻജിനീയറിങ് കോളേജിൽ നടന്ന ചാമ്പ്യൻഷിപ്പിന്റെ ഫൈനലിൽ അങ്കമാലി ഫെഡറൽ ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയെ (ഫിസാറ്റ്) നേരിട്ടുള്ള മൂന്ന് സെറ്റുകൾക്ക് പരാജയപ്പെടുത്തിയാണ് ആദിശങ്കര കിരീടം നേടിയത്.
ഫൈനലിൽ 25-17, 25-23, 25-21 എന്ന സ്കോറിനായിരുന്നു ആദിശങ്കരയുടെ വിജയം (3-0). സെമിഫൈനലിൽ തിരുവനന്തപുരം കോളേജ് ഓഫ് എൻജിനീയറിങ്ങിനെ 25-10, 25-6 എന്ന സ്കോറിന് പരാജയപ്പെടുത്തിയാണ് ആദിശങ്കര ഫൈനലിൽ പ്രവേശിച്ചത്.
