പെരുമ്പാവൂർ: പെരുമ്പാവൂർ പുല്ലുവഴിയിൽ മ്ലാവ് വാഹനമിടിച്ച് ചത്ത നിലയിൽ. എം സി റോഡിലെ പുല്ലുവഴി തായ്ക്കരച്ചിറയിലാണ് മ്ലാവിന്റെ ജഡം കണ്ടത്. ഇക്കഴിഞ്ഞ രാത്രിയിൽ അജ്ഞാത വാഹനം ഇടിച്ചാണ് മ്ലാവ് ചത്തത്. വിവരം അറിഞ്ഞതിനെ തുടർന്ന് വനംവകുപ്പ് ഉദ്യോഗസ്ഥർ എത്തി മ്ലാവിന്റെ ജഡം കൊണ്ടുപോയി. എന്നാൽ ഈ പ്രദേശത്ത് മ്ലാവ് എവിടെ നിന്ന് വന്നു എന്ന കാര്യത്തിൽ കൃത്യത ഇല്ല. ഇതിനു മുൻപും പുല്ലുവഴിയിൽ മ്ലാവ് വാഹനമിടിച്ച് ചത്ത സംഭവം ഉണ്ടായിട്ടുണ്ട്. ഇവിടെനിന്ന് 15 കിലോമീറ്റർ അകലെയാണ് കപ്രികാട് […]

കാലടി: ആദിശങ്കര ഇൻസ്റ്റിറ്റ്യൂട്ട് ഓഫ് എഞ്ചിനീയറിങ്ങ് ആന്റ് ടെക്‌നോളജിയിൽ  ദേശീയ ടെക്‌നോ കൾച്ചറൽ ഫെസ്റ്റ് ‘ബ്രഹ്‌മ 2024’ ആരംഭിച്ചു. ആദിശങ്കര ട്രസ്റ്റംഗം കെ.എസ് നീലകണ്ഠ അയ്യർ ഉദ്ഘാടനം ചെയ്തു. ആദിശങ്കര മാനേജിങ്ങ് ട്രസ്റ്റി കെ. ആനന്ദ് അധ്യക്ഷത വഹിച്ചു. പ്രിൻസിപ്പാൾ ഡോ. എം.എസ് മുരളി, ട്രസ്റ്റ് ഓഡിറ്റർ ടി.പി ശിവരാമകൃഷ്ണൻ, സംഗീതഞ്ജൻ ബി. ഗണേഷ് കുമാർ, സ്റ്റുഡൻസ് യൂണിയൻ ചെയർമാൻ ബി. അഭിജിത്ത് തുടങ്ങിയവർ സംസാരിച്ചു. പ്രശസ്ത വയലിനിസ്റ്റ് ശ്രീറാം കുമാറിന് സംഗീത ശ്രേഷ്ഠ കലാപുരസ്‌കാരം നൽകി […]

കാലടി: ദളിത് യുവാവിനെ മർദ്ദിച്ച കേസിൽ മൂന്നുപേർ അറസ്റ്റിൽ. ചെങ്ങൽ കാച്ചപ്പിള്ളി ഷിന്റോ (39), ചെങ്ങൽ തളിയൻ ബിൻസ് (40), മാഞ്ഞാലിക്കുടി പ്രവീൺ (38) എന്നിവരെയാണ് കാലടി പോലീസ് അറസ്റ്റ് ചെയ്തത്. 26 ന് പകൽ ഒന്നരയോടെയാണ് സംഭവം. ചെങ്ങൽ ട്രൈബൽ കോളനിയിലെ ഉണ്ണിയെയാണ് ജാതിപ്പേര് വിളിച്ച് അധിക്ഷേപിക്കുകയും ദേഹോപദ്രവം ഏൽപ്പിക്കുകയും ചെയ്തത്. കോളനിയിലെ പെൺകുട്ടിയെ ഷിന്റോ അസഭ്യം പറഞ്ഞത് ചോദ്യം ചെയ്തതിലുള്ള വിരോധമാണ് അക്രമത്തിന് കാരണം. ഡിവൈഎസ്പി എ.ജെ.തോമസ്, ഇൻസ്പെക്ടർ കെ.ഷിജി എന്നിവരുടെ നേതൃത്വത്തിലായിരുന്നു അന്വേഷണം.

കാലടി: കാലടി-മലയാറ്റൂര്‍ റോഡ് നിര്‍മ്മാണവുമായി ബന്ധപ്പെട്ട് സംസ്ഥാന സര്‍ക്കാരിന്‍റെ അനാസ്ഥ മറച്ച് വയ്ക്കാനും റോഡ് നിര്‍മ്മാണം തടസ്സപ്പെടുത്തുവാനുമാണ് എല്‍.ഡി.എഫ് ശ്രമിക്കുന്നതെന്ന് റോജി എം. ജോണ്‍ എം.എല്‍.എ. റോഡ് നിര്‍മ്മാണത്തിന് സംസ്ഥാന സര്‍ക്കാര്‍ തുക അനുവദിക്കാതെ വന്നപ്പോള്‍ ബെന്നി ബെഹനാന്‍ എം.പിയും താനും നടത്തിയ ഇടപെടലിന്‍റെ ഭാഗമായാണ് സെന്‍ട്രല്‍ റോഡ് പദ്ധതിയില്‍ ഉള്‍പ്പെടുത്തി 22.75 കോടി രൂപ കാലടി-മാലയാറ്റൂര്‍ റോഡിന് അനുവദിച്ചത്. റോഡിന്‍റെ വിവിധ ഭാഗങ്ങളില്‍ പുറമ്പോക്ക് ഏറ്റെടുക്കുന്നതുമായി ബന്ധപ്പെട്ട് കൊണ്ട് കോടതി വ്യവഹാരങ്ങളുണ്ട്. പുറമ്പോക്ക് പൂര്‍ണ്ണമായി ഏറ്റെടുക്കണമന്ന് […]

അങ്കമാലി: വധശ്രമ കേസിലെ പ്രതിയെ കാപ്പ ചുമത്തി ജയിലിലടച്ചു. അങ്കമാലി തുറവൂർ പുല്ലാനി ചാലാക്ക വീട്ടിൽ വിഷ്ണു എന്ന് വിളിക്കുന്ന വിഷ്ണു (പുല്ലാനി വിഷ്ണു 33) വിനെയാണ് കാപ്പ ചുമത്തി വിയ്യൂർ സെൻട്രൽ ജയിലിലടച്ചത്. ജില്ലാ പോലീസ് മേധാവി ഡോ.വൈഭവ് സക്സേനയുടെ റിപ്പോർട്ടിന്‍റെ അടിസ്ഥാനത്തിൽ എറണാകുളം ജില്ലാ കളക്ടർ എൻ.എസ്.കെ ഉമേഷാണ് ഉത്തരവിട്ടത്. അങ്കമാലി, കാലടി, നെടുമ്പാശ്ശേരി പരിധികളിൽ വധശ്രമം, കവർച്ച, അടിപിടി തുടങ്ങി നിരവധി കേസുകളിൽ പ്രതിയാണ്. കഴിഞ്ഞ ഡിസംബർ അവസാനം കൈപ്പട്ടൂരിലെ വീട്ടിൽ അതിക്രമിച്ച് […]

ആലുവ: വന്ദേ ഭാരത് ട്രെയിനിലെ  യാത്രക്കാരിലാരോ  പുകവലിച്ചതിനെ തുടർന്ന് വന്ദേ ഭാരത് തന്നെ നിന്നു. ആലുവ ഭാഗത്തേക്കുള്ള ലൈനിൽ കളമശേരി പിന്നിടുമ്പോഴാണ്  ട്രെയിനിൻ്റെ സ്മോക് ഡിറ്റക്ടർ പ്രവർത്തിച്ച് ട്രെയിൻ തനിയെ നിന്നത്. തുടർന്ന്  ട്രെയിൻ സാവധാനം ആലുവ സിറ്റേഷനിലെത്തിച്ച് റീസെറ്റ് ചെയ്തതിന് ശേഷമാണ് വീണ്ടും പുറപ്പെട്ടത്. 23 മിനുറ്റ് ട്രെയിൻ വൈകി. തിരുവനന്തപുരത്ത് നിന്ന് കാസർകോഡിന് പോകുന്ന ട്രെയിനാണ് പണിമുടക്കിയത്. ട്രെയിനിൻ പുക ഉയർന്നാൽ തിരിച്ചറിയുന്ന സംവിധാനം വന്ദേ ഭാരതിലുണ്ട്. പുകവലിച്ച യാത്രക്കാരനെ കണ്ടെത്താൻ കഴിഞ്ഞില്ല.റെയിൽവെ പോലീസ് […]

കൊച്ചി: പള്ളുരുത്തിയിൽ ഒരാളെ കുത്തിക്കൊലപ്പെടുത്തിയ സംഭവത്തിൽ രണ്ടു പേർ പിടിയിൽ. ഫാജിസ്, ചോറ് അച്ചു എന്നിവരാണ് പിടിയിലായത്. ലാൽജു എന്നയാളാണ് കത്തിക്കുത്തേറ്റ് മരിച്ചത്.  ലാൽജുവുമായി ഇവർക്ക് വൈരാഗ്യമുണ്ടായിരുന്നുവെന്ന് പൊലീസ് പറഞ്ഞു.കൊല്ലപ്പെട്ട ലാൽജു കുമ്പളങ്ങി ലാസർ കൊലക്കേസിലെ പ്രതിയാണ്. പള്ളുരുത്തിയിലെ ബന്ധു വീട്ടിൽ നിന്നാണ് ലാൽജുവിനെ കുത്തിയ ഫാജിസിനെ പിടികൂടിയത്. ചൊവ്വാഴ്ച വൈകുന്നേരമാണ് സംഭവം നടന്നത്. പള്ളുരുത്തി കച്ചേരിപ്പടി ആയുർവേദ ആശുപത്രിക്ക് സമീപമായിരുന്നു ആക്രമണം. കത്തിക്കുത്തിൽ മറ്റൊരാൾക്ക് പരിക്കേൽക്കുകയും ചെയ്തിട്ടുണ്ട്. ലാൽജുവിന്റെ മൃതദേഹം ആശുപത്രിയിലേക്ക് മാറ്റി. ആക്രമണത്തിൽ പരിക്കേറ്റയാൾ […]

അങ്കമാലി: മുക്കുപണ്ടം പണയം വച്ച് ലക്ഷങ്ങൾ തട്ടിയ ശേഷം ഒരു വർഷത്തോളം ഒളിവിൽക്കഴിഞ്ഞ പ്രതി പിടിയിൽ. കോട്ടയം കടനാട് കാരമുള്ളിൽ ലിജു (53) നെയാണ് അങ്കമാലി പോലീസ് പിടികൂടിയത്. അങ്കമാലിയിലെ സ്വകാര്യ പണമിടപാട് സ്ഥാപനത്തിൽ 392.17 ഗ്രാം മുക്കുപണ്ടം സ്വർണ്ണമാണെന്ന് വിശ്വസിപ്പിച്ച് 15, 31400 രൂപ കൈപ്പറ്റുകയായിരുന്നു ആറ് തവണകളായാണ് ആഭരണങ്ങൾ പണയം വച്ചത്. തുടർന്ന് ഒളിവിൽപ്പോയി. വിവിധ സ്ഥലങ്ങളിൽ ഒളിച്ചു താമസിച്ച പ്രതിയെ ഹൈദരാബാദിൽ നിന്നാണ് പിടികൂടിയത്. വേറെയും കേസുകൾ ഇയാൾക്കെതിരെയുണ്ടെന്ന് സൂചന ലഭിച്ചിട്ടുണ്ട്. ഇൻസ്പെക്ടർ […]

അങ്കമാലി: അനുദിനം വർദ്ധിച്ചുവരുന്ന അങ്കമാലിയിലെ ഗതാഗതക്കുരുക്കിന് പരിഹാരം കാണണമെന്നാവശ്യപ്പെട്ട് പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷൻ ഗതാഗത മന്ത്രി ഗണേഷ് കുമാറിന് നിവേദനം നൽകി. രൂക്ഷമായ ഗതാഗതക്ക് മൂലം സ്വകാര്യ ബസ്സുകൾക്ക് സർവീസ് നടത്തിക്കൊണ്ടുപോകാൻ കഴിയാത്ത അവസ്ഥയാണ്. മുനിസിപ്പൽ ബസ്റ്റാൻഡ് പ്രവർത്തനം ആരംഭിച്ചപ്പോഴും ലിറ്റിൽ ഫ്‌ലവർ ആശുപത്രിക്ക് മുന്നിൽ നിന്നും ക്യാമ്പ് ഷെഡ് റോഡ് ചുറ്റി വൺവേ സമ്പ്രദായം തുടങ്ങിയപ്പോഴും ബസ്സുകൾക്ക് ആവശ്യമായ സഞ്ചാരസമയം അനുവദിച്ചിട്ടില്ല. ടൗണിലെ വിവിധ ഭാഗങ്ങളിലെ അനധികൃത പാർക്കിംഗ് വർദ്ധിച്ചതും ഫ്രീ ലെഫ്റ്റ് സംവിധാനം […]

കൊച്ചി: ടിപി ചന്ദ്രശേഖരന്‍റെ കൊലപാതക കേസിൽ പ്രതികള്‍ക്ക് വധശിക്ഷയില്ല. ഒന്ന് മുതല്‍ എട്ടുവരെയുള്ള പ്രതികള്‍ക്ക് 20വര്‍ഷം വരെ തടവ് ശിക്ഷ ഹൈക്കോടതി വിധിച്ചു. വിചാരണ കോടതി വിധിച്ച ശിക്ഷാകാലയളവ് ഉയര്‍ത്തികൊണ്ടാണ് ഹൈക്കോടതിയുടെ വിധി. കേസിലെ ഒന്നാം പ്രതിയായ എംസി അനൂപ് ഉള്‍പ്പെടെ ഏഴു പ്രതികള്‍ക്ക് ഇരട്ട ജീവപര്യന്തം തടവും ഹൈക്കോടതി ശിക്ഷിച്ചു. ഇവരുടെ ജീവപര്യന്തം തടവ് ഇരട്ട ജീവപര്യന്തമായി ഉയര്‍ത്തുകയായിരുന്നു. പ്രതികള്‍ക്ക് പരോള്‍ നല്‍കരുതെന്നും കോടതി വിധിച്ചു. പുതുതായി കൊലപാതക ഗൂഡാലോനചയിൽ കുറ്റക്കാരാണെന്ന് ഹൈക്കോടതി കണ്ടെത്തിയ പത്താം […]

തിരുവനന്തപുരം: ലോക്സഭാ തിരഞ്ഞെടുപ്പിൽ സിപിഎം സ്ഥാനാർഥികളെ പ്രഖ്യാപിച്ചു. പൊന്നാനിയിൽ മുൻ ലീഗ് നേതാവ് കെ.എസ്.ഹംസ സിപിഎം സ്ഥാനാർഥിയായി മത്സരിക്കും. ഇടുക്കിയിൽ മുൻ എംപി ജോയ്സ് ജോർജും മലപ്പുറത്ത് ഡിവൈഎഫ്ഐ നേതാവ് വി.വസീഫും എറണാകുളത്ത് അധ്യാപികയും കെഎസ്ടിഎ നേതാവുമായ കെ.ജെ.ഷൈനും മത്സരിക്കും. വടകരയിൽ കെ.െക.ശൈലജയും പാലക്കാട് പിബി അംഗം എ.വിജയരാഘവനും മത്സരിക്കും. ആലത്തൂരിൽ മന്ത്രി കെ.രാധാകൃഷ്ണനും കണ്ണൂരിൽ ജില്ലാ സെക്രട്ടറി എം.വി.ജയരാജൻ മത്സരിക്കും. 20 ലോക്സഭാ മണ്ഡലങ്ങളിൽ 15 എണ്ണത്തിലാണ് സിപിഎം മത്സരിക്കുന്നത്. മന്ത്രിയും പിബി അംഗവും 3 […]

ആലുവ:സർവ്വീസിൽ നിന്ന്‌ വിരമിക്കുന്ന പോലീസുദ്യോഗസ്ഥർക്ക് കേരള പോലീസ് അസോസിയേഷൻ, ഓഫീസേഴ്സ് അസോസിയേഷൻ എന്നിവയുടെ റൂറൽ ജില്ലാക്കമ്മിറ്റികൾ സംയുക്തമായി യാത്രയയപ്പ് നൽകി. ജില്ലാ പോലീസ് ആസ്ഥാനത്ത് നടന്ന ചടങ്ങ് റൂറൽ ജില്ലാ പോലീസ് മേധാവി വൈഭവ് സക്സേന ഉദ്ഘാടനം ചെയ്ത് ഉപഹാരങ്ങൾ നൽകി. കെ.പി.ഒ എ ജില്ലാ പ്രസിഡന്റ് ജെ. ഷാജിമോൻ അധ്യക്ഷനായി. ഡി.വൈ.എസ്.പി എം.എ അബ്ദുൾ റഹിം, കെ. പി.എ ജില്ലാ സെക്രട്ടറി ടി.ടി ജയകുമാർ, ബെന്നി കുര്യാക്കോസ്, ബിബിൽ മോഹൻ, എം.കെ.ജയകുമാർ , എം.വി സനിൽ […]

പെരുമ്പാവൂർ: പെരുമ്പാവൂർ പാലക്കാട്ട് താഴം പാലത്തിന് അടിയിൽ പുരുഷനെ മരിച്ച നിലയിൽ കണ്ടെത്തി. ആളെ തിരിച്ചറിഞ്ഞിട്ടില്ല. മൃതദേഹത്തിന് രണ്ട് ദിവസത്തിലധികം പഴക്കമുണ്ട്. പെരുമ്പാവൂർ പോലീസ് സ്ഥലത്തെത്തി നടപടികൾ സ്വീകരിച്ചു. പാലത്തിന്റെ കാലുകളുടെ താഴെ ഒരാൾക്ക് കിടക്കുന്നതിനുള്ള സ്ഥലമുണ്ട്. ഇവിടെ കിടന്നുറങ്ങിയപ്പോൾ മരണം സംഭവിച്ചതാകാം എന്നാണ് പ്രാഥമിക നിഗമനം.

കാക്കനാട്: രാത്രി അമിത വേഗത്തിൽ ഓടിച്ച കാർ ഇടിച്ചു ബൈക്ക് യാത്രക്കാരനു പരുക്കേറ്റ സംഭവത്തിൽ നടൻ സുരാജ് വെഞ്ഞാറമൂടിന്റെ ഡ്രൈവിങ് ലൈസൻസ് സസ്പെൻഡ് ചെയ്യാൻ നടപടി തുടങ്ങി. ലൈസൻസ് സസ്പെൻഡ് ചെയ്യാതിരിക്കാൻ കാരണമുണ്ടെങ്കിൽ ബോധിപ്പിക്കാൻ നിർദേശിച്ചു മോട്ടർ വാഹന വകുപ്പ് മൂന്നു തവണ നോട്ടിസ് നൽകിയിട്ടും സുരാജ് പ്രതികരിക്കാത്ത സാഹചര്യത്തിലാണിത്. ജൂലൈ 29ന് രാത്രി തമ്മനം–കാരണക്കോടം റോഡിലായിരുന്നു കേസിന് ആസ്പദമായ അപകടം. സുരാജ് ഓടിച്ച കാർ ബൈക്കിൽ ഇടിച്ചു ബൈക്ക് യാത്രികൻ മഞ്ചേരി സ്വദേശി ശരത്തിന്റെ (31) […]