മലയാറ്റൂർ: മകന് പിന്നാലെ അമ്മയും മരണത്തിന് കീഴടങ്ങി. കഴിഞ്ഞ ദിവസം അന്തരിച്ച മലയാറ്റൂർ നീലീശ്വരം സ്വദേശി പീ സി സജീവന്റെ അമ്മ കൗസല്യ ചന്ദ്രൻ (83) അന്തരിച്ചു. ഞായറാഴ്ച്ചയാണ് സജീവൻ ഹൃദയസംബന്ധമായ അസുഖത്തെ തുടർന്ന് മരിച്ചത്. സജീവനും അമ്മയും മാത്രമായിരുന്നു വീട്ടിൽ താമസിച്ചിരുന്നത്. ഇന്നലെ രാത്രി അസ്വസ്ഥതകൾ കാണിച്ച കൗസല്യയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സജീവന്റെ സംസ്ക്കാര ചടങ്ങിന് എത്തിയവർ ഏറെ വേദനയോടെയാണ് അമ്മയുടെ ദുഖം കണ്ട് നിന്നത്. കൗസല്യയുടെ സംസ്ക്കാരം ഇന്ന് 2 മണിയ്ക്ക് മുണ്ടങ്ങാമറ്റം ശാന്തി നിലയത്തിൽ നടക്കും.
