കാലടി :ബാലഗോകുലത്തിന്റ നേതൃത്വത്തിൽ കാലടിയിൽ നടക്കുന്ന ശ്രീ കൃഷ്ണജയന്തിയുടെ ആഘോഷങ്ങളുടെ ഭാഗമായുള്ള നോട്ടീസ് ശൃംഗേരി മഠം മാനേജർ ഡോ. പി വി രാജാരാമൻ ശ്രീകൃഷ്ണസ്വാമി ക്ഷേത്രം ട്രസ്റ്റി കാപ്പിള്ളി ശ്രീകുമാർ നമ്പൂതിരിക്ക് കൈമാറിക്കൊണ്ട് പ്രകാശനം ചെയ്തു.ആഘോഷങ്ങളുടെ ഭാഗമായി 30 ന് പതാക ദിനം, സെപ്തംബർ 1 ന് മാണിക്കമംഗലം കാർത്യായനി ദേവി ക്ഷേത്രത്തിൽ ഗോ പൂജ, 2 ന് രാവിലെ മുതല കടവിൽ നദിപൂജ,
ശ്രീകൃഷ്ണ ജയന്തി ദിവസമായ 4 ന് വൈകുന്നേരം 4 മണിക്ക് മറ്റൂർ വാമനപുരം മഹാവിഷ്ണു ക്ഷേത്രത്തിൽ നിന്നും കാലടി ശ്രീ കൃഷ്ണ സ്വാമി ക്ഷേത്രത്തിലേക്ക് മാണിക്കമംഗലം, കാലടി, തോട്ടകം, മറ്റൂർ, പിരാരൂർ, വട്ടപറമ്പ്, തൊട്ടേക്കാട് എന്നീ ബാലഗോകുലങ്ങളുടെനേതൃത്വത്തിൽ മഹാ ശോഭയാത്ര നടക്കും ശ്രീകൃഷ്ണ ജയന്തി സ്വാഗതസംഘം അധ്യക്ഷൻ ഡോ: ബി രമേശ് , ബാലഗോകുലം ജില്ലാ ഉപാധ്യക്ഷൻ ഡോ: എസ് രാജശേഖരൻ , താലൂക്ക് അധ്യക്ഷ പി വി സ്വർണലത ടീച്ചർ, ജില്ലാ കാര്യദർശി വിപിൻ മോഹൻദാസ്, ഡോ : കൃഷ്ണൻ നമ്പൂതിരി, സ്വാഗതസംഘം ഉപാധ്യക്ഷൻ മാരായ ടി എസ് രാധാകൃഷ്ണൻ, വിഎസ് സുബിൻ കുമാർ,എസ് വിജയൻ, സേവാഭാരതി സെക്രട്ടറി പി ആർ അജിത് കുമാർ, സംയോജകൻ കിരൺ ഷാജി, രഞ്ജിത്ത് ചന്ദ്രൻ എന്നിവർ പങ്കെടുത്തു
