കാലടി: മലയാറ്റൂർ ഇല്ലിത്തോട് ബൈക്കും കാറും കൂട്ടിയിടിച്ച് വീട്ടമ്മ മരിച്ചു. ഇല്ലിത്തോട് മുണ്ടൻ വീട്ടിൽ റെജീന പൗലോസ് (52) ആണ് മരിച്ചത്. വിനോദ സഞ്ചാരകേന്ദ്രമായ ഇല്ലിത്തോട് മഹഗണിതോട്ടത്തിൽ വിനേദയാത്ര കഴിഞ്ഞ് മടങ്ങി പോകുകയായിരുന്നവരുടെ കാറാണ് ഇടിച്ചത്. റെജീനയുടെ ബന്ധുവായ സെബി ആണ് ബൈക്ക് ഓടിച്ചിരുന്നത്. റെജീനയുടെ വീട്ടിലേക്ക് പോകുകയായിരുന്നു. ഇന്നലെ വൈകീട്ട് 5 മണിക്കായിരുന്നു സംഭവം. ഉടൻ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഇന്ന് രാവിലെ 5.30 ഓടെ റെജീന മരണപ്പെടുകയായിരുന്നു.
ആലപ്പുഴ: 12 കോടിയുടെ വിഷു ബംപർ അടിച്ചത് ആലപ്പുഴ പഴവീട് സ്വദേശി വിശ്വംഭരന്. സി.ആർ.പി.എഫ്. വിമുക്തഭടനാണ് വിശ്വംഭരൻ. നിലവിൽ സെക്യൂരിറ്റിയായി ജോലിചെയ്യുകയാണ്. അയ്യായിരത്തോളം രൂപയുടെ ടിക്കറ്റുകളാണ് ബംപർ അടിച്ച സമയത്ത് വിശ്വംഭരന്റെ കൈയിൽ ഉണ്ടായിരുന്നത്. അഞ്ചെട്ട് വർഷത്തോളമായി ലോട്ടറി എടുക്കാൻ തുടങ്ങിയിട്ട്. മാസത്തിൽ അഞ്ഞൂറോളം രൂപയുടെ ടിക്കറ്റുകളെടുക്കും. ഇത്തവണ രണ്ട് ബംപറെടുത്തു. അതിൽ ഒന്നിനാണ് അടിച്ചത്. മരിക്കുംവരെ ഇനി ആരുടേയും കാലുപിടിക്കാൻ പോകേണ്ടതില്ലല്ലോ. ദൈവം തന്നതല്ലേ, വിശ്വംഭരൻ പറഞ്ഞു. 12 കോടി എന്നൊക്കെ പറയുമ്പം ചിലർ ഉറങ്ങില്ല. […]
തിരുവനന്തപുരം: സംസ്ഥാനത്തെ കാലാവർഷമെത്തി. ജൂൺ മൂന്ന് വരെ വ്യാപക മഴ തുടരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. കേരളത്തില് ഇന്നും വ്യാപക മഴയ്ക്ക് സാധ്യതയുണ്ട്. 14 ജില്ലകളിലും ഇന്ന് യെല്ലോ അലർട്ടാണ്. പടിഞ്ഞാറൻ പ്രദേശങ്ങളിലാണ് കൂടുതൽ മഴയ്ക്ക് സാധ്യത. അടുത്ത ഒരാഴ്ച ശക്തമായ മഴ തുടരുമെന്നാണ് കേന്ദ്ര കാലാവസ്ഥവകുപ്പിന്റെ മുന്നറിയിപ്പ്. മത്സ്യത്തൊഴിലാളികൾ കടലിൽ പോകരുതെന്ന് നിർദേശം നൽകിയിട്ടുണ്ട്. കനത്ത മഴയില് സംസ്ഥാനത്ത് മഴക്കെടുതി രൂക്ഷമാകുകയാണ്. ചേർത്തല പള്ളിപ്പുറത്ത് വെള്ളക്കെട്ടിൽ വീണ് ഗൃഹനാഥൻ മരിച്ചു. ഇടത്തട്ടിൽ അശോകനാണ് (65) മരിച്ചത്. […]
തൃശൂർ: തൃശ്ശൂരിലെ പ്രോട്ടീൻ മാളിൽ ഡ്രഗ് കൺട്രോൾ ഡിപ്പാർട്ടുമെന്റും പൊലീസും സംയുക്തമായി നടത്തിയ റെയ്ഡിൽ ലൈസൻസില്ലാതെ വിൽപനയ്ക്കുവച്ച മരുന്നുകൾ പിടിച്ചു. ബിപി കൂട്ടുന്നതിന് ഉപയോഗിക്കുന്ന ടെർമിവ് എ എന്ന ഇൻജക്ഷനാണ് പിടിച്ചത്. 210 ആംപ്യൂളാണ് പിടികൂടിയതെന്ന് അധികൃതർ അറിയിച്ചു. ശാരീരിക ക്ഷമത വർധിപ്പിക്കാനെന്ന് പറഞ്ഞായിരുന്നു പ്രോട്ടീൻ കടയിലെ അനധികൃത വിൽപന. നേരത്തെ ഈ സ്ഥാപനത്തെ പാഴ്സൽ വഴി കഞ്ചാവ് കടത്തിയ കേസിൽ പിടിച്ചിരുന്നു. തുടർന്നാണ് ഇന്ന് നടത്തിയ പരിശോധനയിൽ അനധികൃത മരുന്നുകളും പിടിച്ചെടുത്തത്.
കോതമംഗലം: അടയ്ക്ക മോഷ്ടാക്കൾ അറസ്റ്റിൽ. ഇരമല്ലൂർ ചെറുവട്ടൂർ ഉരംകുഴി പള്ളിപ്പടി ഭാഗത്ത് മോനിക്കാട്ടിൽ വീട്ടിൽ സത്താർ (30), ചെറുവട്ടൂർ സ്കൂൾപ്പടി ഭാഗത്ത് പഴയവീട്ടിൽ മനൂപ് (24) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്. വെണ്ടുവഴി കനാൽ പാലം ഭാഗത്ത് യോഹന്നാൻ്റെ വീട്ടിലെ ഇറയത്ത് മൂന്ന് ചാക്കുകളിലായി സൂക്ഷിച്ചിരുന്ന 130 കിലോയോളം തൂക്കം വരുന്ന 42000 രൂപയുടെ കൊട്ടടക്കയാണ് ഇവർ മോഷണം ചെയ്ത് എടുത്തത്. കഴിഞ്ഞ 17 നായിരുന്നു സംഭവം, തുടർന്ന് നടത്തിയ അന്വേഷണത്തിനൊടുവിൽ ഇവരെ ചെറുവട്ടൂർ ഭാഗത്ത് […]
കാലടി: മഞ്ഞപ്ര പഞ്ചായത്തിൽ 6 പേരെ കടിച്ച നായയ്ക്ക് പേ വിഷബാധ സ്ഥിരീകരിച്ചു. ഇന്നലെയാണ് നായ ചത്തത്. തുർന്ന് പോസ്റ്റുമാർട്ടം നടത്തിയപ്പോഴാണ് പേ വിഷബാധ സ്ഥിരീകരിച്ചത്. കഴിഞ്ഞ തിങ്കളാഴ്ച്ചയാണ് മഞ്ഞപ്ര വടക്കും ഭാഗം ജംഗ്ഷനിലൂടെ നടന്നുപോയവരെ നായ കടിച്ചത്. രാവിലെ 10 മണിയോടെയായിരുന്നു സംഭവം. സ്വകാര്യ വ്യക്തി വീട്ടിൽ വളർത്തുന്ന നായയായിരുന്നു ഇത്. 4 ഇതര സംസ്ഥാന തൊഴിലാളികൾക്കടക്കമാണ് കടിയേറ്റ്. കടിയേറ്റവർക്ക് കുത്തിവയ്പ്പ് എടുത്തിരുന്നു. നായ നിരീക്ഷണത്തിലായിരുന്നു.
തൃശൂർ: തൃശൂര്: പേരാമംഗലത്ത് വച്ച് കെഎസ്ആർടിസിയിൽ യുവതി പ്രസവിച്ചു. അങ്കമാലിയിൽ നിന്ന് തൊട്ടിപാലത്തേക്ക് വരികയായിരുന്ന ബസ് പേരാമംഗലം പൊലീസ് സ്റ്റേഷന് മുന്നിൽ എത്തിയപ്പോൾ യുവതിക്ക് പ്രസവവേദന അനുഭവപ്പെട്ടു. ഉടൻ തന്നെ ബസ് തൃശൂർ അമല ആശുപത്രിയിലേക്ക് എത്തിച്ചു. എന്നാൽ ആശുപത്രിയിൽ എത്തുമ്പോഴേക്കും യുവതി പ്രസവിക്കുകയായിരുന്നു. അമ്മയും കുഞ്ഞും സുഖമായിരിക്കുന്നുവെന്ന് ആശുപത്രി അറിയിച്ചു. തിരുനാവായ സ്വദേശിയായ യുവതി പെൺകുഞ്ഞിനാണ് ജന്മം നൽകിയത്. പന്ത്രണ്ടരയോടെയായിരുന്നു സംഭവം. 37കാരിയായ സെറീന ബസിൽ വച്ച് യുവതിയുടെ പ്രസവമെടുത്ത് സഹായിച്ചു
കാലടി: വെള്ളാരപ്പിള്ളി കുട്ടമന ഭഗവതി ക്ഷേത്രം തിരുവൈരാണിക്കുളം മഹാദേവ ക്ഷേത്ര ട്രസ്റ്റ് ഏറ്റെടുത്തു. അകവൂർ മനയുടെ ഉടമസ്ഥതയിലായിരുന്ന കുട്ടമന ക്ഷേത്രം സാമ്പത്തിക ബുദ്ധിമുട്ടുകൾ അനുഭവിക്കുന്നതുമൂലം അതിന്റെ ഉടമസ്ഥർ തിരുവൈരാണിക്കുളം ക്ഷേത്ര ട്രസ്റ്റിലേയ്ക്ക് ഇഷ്ടദാനമായി നൽകുകയായിരുന്നു. ക്ഷേത്രം ഏറ്റെടുക്കുന്ന ചടങ്ങിൽ തിരുവൈരാണിക്കുളം മഹാദേവ ക്ഷേത്ര ട്രസ്റ്റ് പ്രസിഡന്റ് പി.യുരാധാകൃഷ്ണൻ, സെക്രട്ടറി എ.എൻ മോഹനൻ ജോയിന്റ് സെക്രട്ടറി പി. അശോക് കുമാർ ക്ഷേത്ര ട്രസ്റ്റ് അംഗങ്ങൾ കുട്ടമന ഭഗവതി ക്ഷേത്ര ഉടമസ്ഥരായ അകവൂർ എ.എം വാസുദേവൻ നമ്പൂതിരിപ്പാട്, എ.എം. ഹരിദാസ് […]
തിരുവനന്തപുരം : ഈ വർഷത്തെ വിഷു ബംപർ ലോട്ടറി നറുക്കെടുത്തു. VC 490987 എന്ന നമ്പറിലുള്ള ടിക്കറ്റിനാണ് 12 കോടിയായ ഒന്നാം സമ്മാനം. ആലപ്പുഴ ജില്ലയിലെ അനിൽ കുമാർ ആണ് ടിക്കറ്റ് വിറ്റ ഏജൻ്റ്. രണ്ടാം സമ്മാനമായ 1 കോടി രൂപ വീതം ആറ് പേർക്ക് ലഭിക്കും. രണ്ടാം സമ്മാനത്തിന് അർഹമായ ടിക്കറ്റുകൾ- VA 205272 VB 429992 VC 523085 VD 154182 VE 565485 VG 654490 മൂന്നാം സമ്മാനമായ 10 ലക്ഷം രൂപ […]
കൊച്ചി: സൂപ്പർഹിറ്റായ മഞ്ഞുമ്മൽ ബോയ്സിന്റെ നിർമാതാക്കൾ ഗുരുതര സാമ്പത്തിക തട്ടിപ്പ് നടത്തിയതായി പൊലീസിന്റെ അന്വേഷണ റിപ്പോർട്ട്. ചിത്രത്തിന്റെ നിർമാതാക്കളായ പറവ ഫിലിംസുമായി ബന്ധപ്പെട്ടവർ ലാഭവിഹിതമോ മുതൽമുടക്കോ നൽകിയില്ലെന്ന ആലപ്പുഴ അരൂർ സ്വദേശി സിറാജ് വലിയവീട്ടിൽ നൽകിയ പരതിയിലാണ് പൊലീസ് അന്വേഷണം നടത്തിയത്. എറണാകുളം മരട് പൊലീസ് നടത്തിയ അന്വേഷണ റിപ്പോർട്ടാണ് ഹൈക്കോടതിയിൽ സമർപ്പിച്ചത്. ആദ്യം പരാതിക്കാരന്റെ മൊഴി രേഖപ്പെടുത്തുകയും പിന്നീട് ഇതുമായി ബന്ധപ്പെട്ട ബാങ്ക് രേഖകൾ പൊലീസ് ശേഖരിക്കുകയും ചെയ്തു. ഇതിൽ നിന്നാണ് ചിത്രത്തിന്റെ നിർമാതാക്കൾ സാമ്പത്തിക തട്ടിപ്പ് […]
കാലടി: ശ്രീശങ്കരാചാര്യ സംസ്കൃത സർവകലാശാലയുടെ അമരത്ത് ഇനി മൂന്ന് വനിതകൾ. പ്രൊഫ. കെ. കെ. ഗീതാകുമാരി (വൈസ് ചാൻസലർ) പ്രൊഫ. സുനിത ഗോപാലകൃഷ്ണൻ (രജിസ്ട്രാർ) പ്രൊഫ. വി. ലിസി മാത്യു (പ്രൊഫസർ ഇൻ ചാർജ്ജ് ഓഫ് എക്സാമിനേഷൻസ്) എന്നിവരാണ് ഇനി സർവകലാശാലയെ നയിക്കുന്നത്. ചരിത്രത്തിലാദ്യമായാണ് സംസ്കൃത സർവ്വകലാശാലയുടെ തലപ്പത്ത് മൂന്ന് വനിതകൾ വരുന്നത്. വൈസ് ചാൻസലർ ആയിരുന്ന ഡോ.എം.വി.നാരായണൻ കോടതി വിധിയെ തുടർന്ന് പുറ ത്തായതിനെ തുടർന്ന് ഗവർണർ ഡോ.കെ.കെ.ഗീതാകുമാരിക്ക് വൈസ് ചാൻസലറുടെ ചുമതല നൽകുകയായിരുന്നു. വൈസ് […]
കാലടി: സ്വാതന്ത്ര്യ സമര സേനാനി കാഞ്ഞൂർ സ്വദേശി വി. നാരായണൻ നായരുടെ നൂറാം പിറന്നാൾ ആഘോഷിച്ചു. നാരായണൻ നായർക്ക് ജന്മദിനാശംസകൾ നേരുവാൻ നിരവധി പ്രമുഖരാണ് അദ്ദേഹത്തിന്റെ വസതിയിൽ എത്തിയത്. ബെന്നി ബഹനാൻ എം.പി, എംഎൽഎമാരായ അൻവർ സാദത്ത്, റോജി എം. ജോൺ,ഡിസിസി പ്രസിഡൻറ് മുഹമ്മദ് ഷിയാസ്, മാത്യു കുഴൽനാടൻ, ജില്ലാ പഞ്ചായത്ത് പ്രസിഡൻറ് മനോജ് മൂത്തേടൻ, പഞ്ചായത്ത് പ്രസിഡൻറ് വിജി ബിജു, വൈസ് പ്രസിഡൻറ് സിമി ടിജോ, കോൺഗ്രസ് ബ്ലോക്ക് പ്രസിഡൻറ് കെ.എൻ കൃഷ്ണകുമാർ,മണ്ഡലം പ്രസിഡൻറ് സി.കെ […]
കൊച്ചി: മലയാള ചലച്ചിത്ര സംവിധായകൻ ഒമർ ലുലുവിനെതിരെ ബലാത്സംഗ കേസ്. യുവ നടിയുടെ പരാതിയിലാണ് കേസ് എടുത്തിരിക്കുന്നത്. സിനിമയിൽ അവസരം വാഗ്ദാനം ചെയ്ത് നിരവധി തവണ തന്നെ ബലാത്സംഗം ചെയ്തതെന്ന് നടിയുടെ പരാതിയില് പറയുന്നു. സംഭവത്തില് നെടുമ്പാശ്ശേരി പൊലീസ് നടിയുടെ മൊഴി രേഖപ്പെടുത്തി. കൊച്ചിയിൽ സ്ഥിര താമസമാക്കിയ യുവ നടിയാണ് സംവിധായകൻ ഒമർ ലുലുവിനെതിരെ പരാതിയുമായി പോലീസിനെ സമീപിച്ചത്. കൊച്ചി സിറ്റി പൊലീസിന് നൽകിയ പരാതി പിന്നീട് നെടുമ്പാശ്ശേരി പൊലീസിന് കൈമാറുകയായിരുന്നു. കഴിഞ്ഞ ജനുവരി മുതൽ ഏപ്രിൽ […]
ആലുവ: ആറ് എൽ.എസ്.ഡി. സ്റ്റാമ്പും മൂന്ന് ഗ്രാമോളം രാസലഹരിയുമായി യുവാവ് പിടിയിൽ . ഞാറയ്ക്കൽ ഇടവനക്കാട് കോട്ടത്തറ വീട്ടിൽ മുഹമ്മദ് അഫ്സൽ (36) നെയാണ് ഡാൻസാഫ് ടീമും, ആലുവ പോലീസും ചേർന്ന് പിടികൂടിയത്. ജില്ലാ പോലീസ് മേധാവി വൈഭവ് സക്സേനയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മയക്കുമരുന്നുമായി ഇയാളെ കസ്റ്റഡിയിലെടുത്തത്. 27 ന് വൈകീട്ട് ആറരയോടെ ബൈക്കിൽ മയക്കുമരുന്നു മായി പോകുമ്പോൾ യു.സി കോളേജിന് സമീപത്ത് വച്ചാണ് പിടികൂടിയത്. ബൈക്കിൽ സീറ്റിനടിയിൽ ഒളിപ്പിച്ച നിലയിലായിരുന്നു […]
കൊച്ചി: കൊച്ചിയിലെ കനത്ത മഴയ്ക്കു കാരണം മേഘവിസ്ഫോടനമെന്ന് കുസാറ്റ് അധികൃതർ. ഒന്നര മണിക്കൂറിൽ 100 എംഎം മഴയാണ് കൊച്ചിയിൽ പെയ്തത്. കുസാറ്റിന്റെ മഴ മാപിനിയിലാണ് ഇതു രേഖപ്പെടുത്തിയിരിക്കുന്നത്. കനത്ത മഴ മൂലം നഗരത്തിൽ ഗതാഗതം സതംഭിച്ചിരിക്കുകയാണ്. കാക്കനാട് ഇൻഫോ പാർക്കിൽ വെള്ളക്കെട്ട് രൂക്ഷമാണ്.ഇടപ്പള്ളി- അരൂർ ദേശീയപാതയിൽ വൻ ഗതാഗതക്കുരുക്കാണ് അനുഭവപ്പെടുന്നത്. ശക്തമായ ഇടിമിന്നലും രാവിലെ അനുഭവപ്പെട്ടിരുന്നു. സംസ്ഥാനത്ത് പരക്കെ മഴ ശക്തമാണ്.
കോട്ടയം: സംസ്ഥാനത്ത് കനത്തമഴ തുടരുന്നതിനിടെ കോട്ടയത്ത് ഉരുൾപൊട്ടൽ. ഏഴ് വീടുകൾ തകർന്നതായാണ് വിവരം. ഭരണങ്ങാനം വില്ലേജിൽ ഇടമുറക് ചൊക്കല്ല് ഭാഗത്താണ് ഉരുൾപ്പൊട്ടലുണ്ടായത്. പ്രദേശത്ത് വ്യാപക നാശനഷ്ടം സംഭവിച്ചിട്ടുണ്ട്. നിലവിൽ ആളപായം റിപ്പോർട്ട് ചെയ്തിട്ടില്ല. മഴ ശക്തമായതോടെ ഇന്ന് എറണാകുളം, കോട്ടയം ജില്ലകളിൽ റെഡ് അലർട്ട് പ്രഖ്യാപിച്ചിരുന്നു. ഒറ്റപ്പെട്ടയിടങ്ങളിൽ ശക്തമായ മഴയാണ് പ്രചവചിപ്പിച്ചിരിക്കുന്നത്. പത്തനംതിട്ട, ആലപ്പുഴ, ഇടുക്കി ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ യെലോ അലർട്ടുമാണ് പ്രഖ്യാപിച്ചിരിക്കുന്നത്.
കാലടി:കണ്ണൂർ പയ്യന്നൂരിൽ നടന്ന വാഹനാപകടത്തിൽ കാലടി സ്വദേശിയായ യുവാവ് മരിച്ചു.ചെങ്ങൽ പറേലി വീട്ടിൽ അൻസാർ(33) ആണ് മരിച്ചത്.അൻസാർ ഓടിച്ചിരുന്ന മിനി ലോറി മറ്റൊരു ലോറിയിൽ ഇടിക്കുകയായിരുന്നു.തിങ്കളാഴ്ച രാത്രിയായിരുന്നു അപകടം.ഖബറടക്കം ബുധനാഴ്ച്ച രാവിലെ ഒമ്പത് മണിക്ക് ചെങ്ങൽ മുഹ്യിദ്ദീൻ ജുമാ മസ്ജിദ് ഖബർസ്ഥാനിൽ നടക്കും.പിതാവ് പരേതനായ ഹസൈനാർ.മാതാവ് ജീല.ഭാര്യ ഭീമ.മക്കൾ:ദിയ ഫാത്തിമ,മുഹമ്മദ് സൈൻ ആദം,ദരിയ ഹുമൈറ
പെരുമ്പാവൂർ: തോട്ടില് കുളിക്കാൻ ഇറങ്ങിയ പത്താം ക്ലാസ് വിദ്യാർത്ഥി തോട്ടിൽ മുങ്ങി മരിച്ചു. വേങ്ങൂർ മേയ്ക്കപ്പാല ഐക്കരക്കുടി ഷൈബിന്റെ മകൻ എൽദോസ് ആണ് മരിച്ചത്. തിങ്കളാഴ്ച വൈകിട്ട് 7 ന് കളികഴിഞ്ഞ് തൊട്ടടുത്തുള്ള കണിച്ചാട്ടുപാറ തോട്ടിൽ കുളിക്കുന്നതിനിടെയാണ് സംഭവം. മൃതദേഹം കോതമംഗലത്തെ സ്വകാര്യ ആശുപത്രി മോർച്ചറിയിൽ.
അങ്കമാലി: അങ്കമാലി അര്ബന് സഹകരണ സംഘം വ്യാജവായ്പകള് നല്കി 33 കോടിയിലേറെ രൂപയുടെ ക്രമക്കേടു നടത്തിയതായി സഹകരണ വകുപ്പ് ജോയിന്റ് രജിസ്ട്രാറുടെ അനേ്വഷണത്തില് കണ്ടെത്തി. കരുവന്നൂര്, കണ്ടല സഹകരണബാങ്കുകളിലേതിന് സമാനമായ വായ്പാ തട്ടിപ്പാണ് അങ്കമാലി അര്ബന് സഹകരണ സംഘത്തിലും നടന്നതെന്ന് വ്യക്തമാക്കുന്ന റിപ്പോര്ട്ടാണ് പുറത്തുവന്നിരിക്കുന്നത്. സഹകരണ സൊസൈറ്റി ആക്ടിനെ അട്ടിമറിച്ച് ഉദ്യോഗസ്ഥരടങ്ങിയ സംഘം സംഘടിതമായി സൊസൈറ്റിയെ ദുരുപയോഗം ചെയ്തു. ഇതിനായി വ്യാപകമായി സംഘത്തിന്റെ സോഫ്റ്റ്വേര് ദുരുപയോഗം ചെയ്തു. അംഗത്വമെടുക്കുന്നവര്ക്കു തിരിച്ചറിയല് രേഖ നല്കാതെയും പ്രവേശന രജിസ്റ്ററില് സാക്ഷ്യപ്പെടുത്തല് […]
തൃശ്ശൂർ: പെരിഞ്ഞനത്ത് കുഴിമന്തി കഴിച്ചതിനെ തുടർന്നുണ്ടായ ഭക്ഷ്യവിഷബാധയേറ്റ് ചികിത്സയിൽ കഴിഞ്ഞിരുന്ന സ്ത്രീ മരിച്ചു. പെരിഞ്ഞനം കുറ്റിക്കടവ് സ്വദേശി ഉസൈബ (56) ആണ് ഇന്ന് പുലർച്ചെ തൃശൂർ മെഡിക്കൽ കോളേജിൽ മരിച്ചത്. പെരിഞ്ഞനം മൂന്നുപീടികയിലെ സെയിൻ റസ്റ്റോറന്റിൽ നിന്നും ഭക്ഷണം കഴിച്ചവർക്കാണ് കഴിഞ്ഞ ശനിയാഴ്ച ഭക്ഷ്യവിഷബാധയേറ്റത്. ഉസൈബയുടെ വീട്ടിലേക്ക് ഇവിടെ നിന്നും കുഴിമന്തി പാഴ്സൽ വാങ്ങിക്കഴിക്കുകയായിരുന്നു. കുഴിമന്തിക്കൊപ്പമുള്ള മയോണൈസിൽ നിന്നാണ് ഭക്ഷ്യവിഷബാധയേറ്റത്. ഇന്നലെ രാവിലെ മുതലാണ് പനിയും മറ്റ് ശാരീരിക ബുദ്ധിമുട്ടുകളുമുണ്ടായതിനെ തുടർന്ന് ഇവർ ചികിത്സ തേടിയത്. ഇവരുടെ […]
