കോട്ടയം: ബൈക്ക് പാർക്കിങ്ങുമായി ബന്ധപ്പെട്ട തർക്കത്തിനൊടുവിൽ ചിങ്ങവനം പൊലീസ് സ്റ്റേഷനിൽ പൊലീസുകാർ തമ്മിൽ ഏറ്റുമുട്ടി. സിപിഒമാരായ സുധീഷ് , ബോസ്കോ എന്നിവരാണ് തമ്മിൽ തല്ലിയത്. ഇരുവരെയും പ്രാഥമികാന്വേഷണ റിപ്പോർട്ടിന്റെ അടിസ്ഥാനത്തിൽ ജില്ലാ പൊലീസ് മേധാവി കെ. കാർത്തിക് സസ്പെൻഡ് ചെയ്തു. ബോസ്കോയുടെ തലയിൽ പരുക്കേറ്റിട്ടുണ്ട്. ചങ്ങനാശേരി ഡിവൈഎസ്പിയാണ് അന്വേഷണം നടത്തി റിപ്പോർട്ട് നൽകിയത്.
സ്ഥിരമായി സിപിഒ ബൈക്ക് പാർക്ക് ചെയ്യുന്ന സ്ഥലത്ത് മറ്റൊരാൾ ബൈക്ക് പാർക് ചെയ്തതുമായി ബന്ധപ്പെട്ടാണ് തർക്കമുണ്ടായത്. സിപിഒ സുധീഷ് ബോസ്കോയുടെ തല പിടിച്ച് ചുമരിലിടിച്ചതായി റിപ്പോർട്ടിലുണ്ട്. ഇയാൾ ചികിത്സയിലാണ്.
