കാലടി: മലയാറ്റൂർ – നീലീശ്വരം പഞ്ചായത്തിൽ ജീവനക്കാരുടെ അശ്രദ്ധയെ തുടർന്ന് പഞ്ചായത്ത് ഓഫീസ് രണ്ട് രാത്രിയും ഒരു പകലും തുറന്നുകിടന്ന സംഭവത്തിൽ നടപടി. ശനിയാഴ്ച ജോലി കഴിഞ്ഞ് മടങ്ങിയ ജീവനക്കാർ ഓഫീസ് പൂട്ടാതെ പോയതിനെ തുടർന്ന് പഞ്ചായത്ത് സെക്രട്ടറി ബന്ധപ്പെട്ട ജീവനക്കാർക്ക് കാരണം കാണിക്കൽ നോട്ടീസ് നൽകി.
ശനിയാഴ്ച രാത്രി മുതൽ ഞായറാഴ്ച പകലും രാത്രിയും ഓഫീസ് തുറന്ന നിലയിലായിരുന്നു. തിങ്കളാഴ്ച രാവിലെ ജീവനക്കാർ ഓഫീസിലെത്തിയപ്പോഴാണ് സംഭവം ശ്രദ്ധയിൽപ്പെട്ടത്. ഉടൻ തന്നെ കാലടി പൊലീസിനെ വിവരം അറിയിക്കുകയായിരുന്നു.
പോലീസ് സ്ഥലത്തെത്തി പരിശോധന നടത്തി. ഓഫീസിൽ നിന്ന് ഫയലുകൾ നഷ്ടപ്പെട്ടിട്ടുണ്ടോ എന്ന കാര്യത്തിൽ പരിശോധിക്കാൻ ജീവനക്കാർക്ക് സെക്രട്ടറി നിർദേശം നൽകിയിട്ടുണ്ട്.
