നെടുമ്പാശ്ശേരി: യാത്രക്കാരൻ്റെ നഷ്ടപ്പെട്ട പേഴ്സ് കണ്ടത്തിയ എയർപോർട്ട് ലെയ്സൻ ഓഫീസർ സാബു വർഗീസിൻ്റെ അന്വേഷണ മികവിന് കൊച്ചി മെട്രോയുടെ ആദരം . നവംബർ 17ന് രാവിലെ നെടുമ്പാശ്ശേരി എയർപോർട്ടിൽ വിമാനത്തിൽ വന്ന് ആലുവയ്ക്ക് മെട്രോ ഫീഡർ ബസ്സിൽ കുടുംബമായി കയറിയ ഖത്തറിൽ സ്ഥിരതാമസമാക്കായ പത്തനംതിട്ട റാന്നി സ്വദേശിയായ എബ്രഹാം മാത്യു എന്ന യാത്രക്കാരൻ്റെ വിലപിടിപ്പുള്ള രേഖകൾ അടങ്ങിയ പേഴ്സാണ്, നഷ്ടപ്പെട്ടത്. തുടർന്ന് സാബു വർഗീസിൻ്റെ നേതൃത്വത്തിൽ അന്വേഷണം നടത്തി. പേഴ്സ് മറ്റൊരു യാത്രക്കാരൻ എടുക്കുകയും , ഇയാൾ ആലുവയിൽ ഇറങ്ങി പോവുകയും ചെയ്തതായും കണ്ടെത്തി.
മെട്രോ ബസ്സിലെ സിസിടിവി പരിശോധിച്ചപ്പോൾ ഒരാൾ എടുക്കുന്നതായി കാണുകയും, അയാളെ പറ്റിയുള്ള അന്വേഷണത്തിൽ എയർപോർട്ടിൽ നിന്നും ഇതേ ബസ്സിൽ കയറിയതാണെന്നും മനസ്സിലായി. വിമാനത്താവളത്തിലെ സിസിടിവി പരിശോധിച്ചതിൽ നിന്നും ഇയാൾ സുഹൃത്തിനെ യാത്രക്കാൻ വന്നതായി മനസിലാക്കി.റിട്ടേൺ ടിപ്പ് വാഹനത്തിലാണ് വന്നത്. എന്നാൽ വാഹനവുമായി വന്ന ഡ്രൈവർക്ക് ഇയാളെ അറിയില്ലായിരുന്നു. ഡ്രൈവർക്ക് ആകെ അറിയാവുന്നത് ഈ പാസഞ്ചറെ എടുത്ത ലൊക്കേഷൻ മാത്രമാണ്. തുടർന്ന് നടന്ന അന്വേഷണത്തിൽ ഇയാൾ ഫോർട്ടുകൊച്ചിയിൽ ഉണ്ടെന്നു കണ്ടെത്തി. തുടർന്ന്, ഇയാളെ ഫോർട്ട് കൊച്ചി സ്റ്റേഷനിൽ എത്തിക്കുകയമായിരുന്നു.
റിപ്പബ്ലിക്ക് ദിനത്തിൽ കൊച്ചി മെടോ എം.ഡിയും മുൻ ഡിജിപിയും ആയലോക നാഥ് ബെഹ്റ മെഡൽ സമ്മാനിച്ചു. ജില്ലാ പോലീസ് മേധാവി എം.ഹേമലതയും പ്രശസ്തി പത്രം നൽകി അനുമോദിച്ചു.
