കാലടി: മാധ്യമ രംഗത്ത് പ്രാദേശിക റിപ്പോർട്ടർമാരുടെ സേവനം പ്രശംസനീയമാണെന്ന് മുതിർന്ന മാധ്യമപ്രവർത്തകനും സാഹിത്യകാരനുമായ ബാബു വെളപ്പായ പറഞ്ഞു.മാധ്യമ രംഗത്ത് ഉയർന്നു വന്നിട്ടുള്ള പല പ്രമുഖരും ആദ്യ കാലഘട്ടത്തിൽ പ്രാദേശിക റിപ്പോർട്ടർമാരായിരുന്നുവെന്ന് അദ്ദേഹം പറഞ്ഞു .സത്യത്തിന് നേരെ കണ്ണടച്ചുകൊണ്ടുള്ള കിടമത്സരം മാധ്യമ രംഗത്തെ വിശ്വാസ്യത നഷ്ട്ടപെടുത്തുമെ ന്ന് അദ്ദേഹം കൂട്ടിചേർത്തു .
കാലടി ശ്രീ ശങ്കര സ്കൂൾ ഓഫ് ഡാൻസ് സംഘടിപ്പിച്ച മാധ്യമ സംഗമവും സമാദരണ ചടങ്ങും ഉദ്ഘാടനം ചെയ്യുകയായിരുന്നു അദ്ദേഹം.
32 പ്രാദേശിക മാധ്യമ പ്രവർത്തകരെ ആദരിച്ചു .രാജ്യാ ന്തര ശ്രീ ശങ്കര സംഗീതത്സവ കമ്മിറ്റി ചെയർമാൻ കെ.ടി സലിം അദ്ധ്യക്ഷത വഹിച്ചു .മുതിർന്ന പത്ര പ്രവർത്തകൻ എൻ.പി സജീവി നെ ആദരിച്ചു.തുടർന്ന് നടന്ന പ്രതിഭ സംഗമത്തിൽ 68 നർത്തകിമാർക്ക് മുൻ പഞ്ചായത്ത് ഡപ്യുട്ടി ഡയറക്ടർ എം.പി രാജൻ ശ്രീശങ്കരാചാര്യാ ബാല, യുവ പുരസ്കാരങ്ങൾ നല്കി .പി ടി എ പ്രസിഡന്റ് എ.ആർ. അനിൽകുമാർ അദ്ധ്യക്ഷത വഹിച്ചു .ഇദം ന മ്മ ,നടനവഴികൾ എന്നീ പുസ്തകങ്ങൾക്ക് മികച്ച അവലോകനം നിർവഹിച്ച 20 വായനക്കാർക്ക് ഡോ.എടനാട് രാജൻ നമ്പ്യാർ അക്ഷരപുരസ്കാരം നല്കി .
പരിശീലനം പൂർത്തിയാക്കിയ അദ്ധ്യാപികമാർക്ക് സ്കൂൾ ഡയറക്ടർ സുധ പീതാംബരൻ സർട്ടിഫിക്കേറ്റ് നല്കി. പ്രൊഫ. പി. വി. പീതാം ബരൻ, എൻ.പി. സജീവ് ,സൈലേഷ് പണ്ടാല, പ്രസ്സ് ക്ലബ് ഭാരവാഹികളായ ടി. എസ്. രാധാകൃഷ്ണൻ, തോമസ് പാടശ്ശേരി, വി. കെ. ഷാജി, റിജൊ ജോസഫ്, എൻ. ഗംഗ കുമാർ എന്നിവർ പ്രസം ഗിച്ചു.
