കാലടി; എം.സി റോഡിലെ കാലടി ശ്രീശങ്കരപാലത്തിൽ അടിയന്തര അറ്റകുറ്റപ്പണികൾ നടത്തേണ്ടതുളളതിനാൽ 23,24,25 തീയതികളിൽ രാത്രി 10 മണി മുതൽ രാവിലെ 6 വരെ പാലം അടച്ചിടും. പാത്തിലൂടെയുള്ള ഗതാഗതം പൂർണ്ണമായി നിരോധിച്ചിക്കും.
യാത്രക്കാർ താഴെ പറയുന്ന യാത്രാമാർഗ്ഗങ്ങൾ സ്വീകരിക്കണം
അങ്കമാലി ഭാഗത്തുനിന്നുള്ള വാഹനങ്ങൾ അങ്കമാലിയിൽ നിന്നും എം.സി റോഡ് വഴി പോകേണ്ട എല്ലാ വാഹനങ്ങളും ആലുവ വഴി പെരുമ്പാവൂർ എത്തി യാത്ര തുടരേണ്ടതാണ്. പെരുമ്പാവൂരിൽ നിന്നും അങ്കമാലി ഭാഗത്തേക്ക് പോകേണ്ട വാഹനങ്ങളും ഇതേ റൂട്ട് (തിരിച്ച്) ഉപയോഗിക്കേണ്ടതാണ്. അങ്കമാലി ഭാഗത്തു നിന്നും കോതമംഗലം ഭാഗത്തേക്ക് പോകുന്ന വാഹനങ്ങൾ മലയാറ്റൂർ കോടനാട് പാലം വഴി കുറുപ്പുംപടി വഴി പോകാവുന്നതാണ്.
മൂവാറ്റുപുഴ, പെരുമ്പാവൂർ ഭാഗത്തുനിന്നുള്ള ചെറുവാഹനങ്ങൾ (എയർപോർട്ടിലേക്ക് പോകുന്ന) വല്ലം ജംഗ്ഷനിൽ നിന്നും ഇടത്തോട്ട് തിരിഞ്ഞ് വല്ലം പാപ്പുറം – ശ്രീമൂലനഗരം – കാഞ്ഞൂർ വഴി എയർപോർട്ടിലേക്ക് പ്രവേശിക്കേണ്ടതാണ്‌
