കാലടി: ഒക്കൻ താണിപ്പുഴയിൽ ഷോക്കേറ്റ് യുവാവ് മരിച്ചു. പെലപ്പിള്ളി വീട്ടിൽ നിഖിൽ (39) ആണ് മരിച്ചത്.
രാവിലെ 10 മണിയോടെ വീട്ടിലെ അഴയിൽ തുണി വിരിക്കുന്നതിനിടെയാണ് അപകടം ഉണ്ടായത്. കമ്പി ഉപയോഗിച്ച് നിർമ്മിച്ച അഴയിൽ സർവീസ് വയർ മുട്ടിനിന്നതിനാൽ ഷോക്കേൽക്കുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
നിഖിലിനെ രക്ഷിക്കാൻ ശ്രമിച്ച വല്ല്യച്ചൻ രാജുവിനും ഷോക്കേറ്റു. ഡ്രൈവറായ നിഖിൽ, ഓട്ടം പോകാൻ വേണ്ടി വാഹനം കഴുകിയ ശേഷം കുളിച്ച് വസ്ത്രങ്ങൾ അലക്കുന്നതിനിടെയായിരുന്നു അപകടം സംഭവിച്ചത്.
