ശ്രീശങ്കരാചര്യ സംസ്കൃത സർവകലാശാലയുടെ രജിസ്ട്രാറായി ഡോ. ടി. എസ്. ലാൻസ്‍ലെറ്റ് ചുമതലയേറ്റു. സർവകലാശാലയുടെ കാലടി മുഖ്യക്യാമ്പസിലെ ജ്യോഗ്രഫി വിഭാഗം സീനിയർ പ്രൊഫസറാണ്. രജിസ്ട്രാറായിരുന്ന ഡോ. മോത്തി ജോർജ് ഡെപ്യൂട്ടേഷൻ അവസാനിപ്പിച്ച് മാതൃസ്ഥാപനത്തിലേക്ക് തിരിച്ചുപോയ ഒഴിവിലാണ് വൈസ് ചാൻസലർ ഡോ. സിസ തോമസ് ഡോ. ടി. എസ്. ലാൻസ്‍ലെറ്റിന് രജിസ്ട്രാറുടെ താല്ക്കാലിക ചുമതല നല്കിയത്.
1997ൽ സർവകലാശാലയുടെ ജ്യോഗ്രഫി വിഭാഗത്തിൽ അധ്യാപികയായി സർവീസിൽ പ്രവേശിച്ച ഡോ. ടി. എസ്. ലാൻസ്‍ലെറ്റ്, സിൻഡിക്കേറ്റ് അംഗവും ഗവേഷണ മാർഗദർശിയും 20 വർഷം ജ്യോഗ്രഫി വിഭാഗം അധ്യക്ഷയുമായിരുന്നു. ജ്യോഗ്രഫിയിൽ എം.എ., എം.ഫിൽ, പിഎച്ച്. ഡി. ബിരുദങ്ങളും എഡ്യൂക്കേഷനിൽ ബിരുദ, ബിരുദാനന്തര ബിരുദങ്ങളും നേടിയിട്ടുണ്ട്. മൂന്ന് ഗ്രന്ഥങ്ങളുടെ രചയിതാവാണ്.
ഡെക്കാൺ ജ്യോഗ്രഫിക്കൽ സൊസൈറ്റി ഓഫ് ഇന്ത്യയുടെ വൈസ് പ്രസിഡന്റായ ഡോ. ലാൻസ്‍ലെറ്റിന്റെ 37 പ്രബന്ധങ്ങൾ വിവിധ അന്താരാഷ്ട്ര ജേർണലുകളിൽ പ്രസിദ്ധീകരിച്ചിട്ടുണ്ട്.
