എളവൂർ: പുളിയനം മില്ലുപടി ഭാഗത്ത് അച്ചനും, അമ്മക്കുമൊപ്പം അതിദാരുണമായി പൊള്ളലേറ്റ് മരിച്ച ആറ് വയസുകാരൻ ആസ്തിക്കിന് കണ്ണീരിൽ കുതിർന്ന യാത്രാമൊഴി. പുളിയനം വെളിയത്തു വീട്ടിൽ സനൽ (39), ഭാര്യ സുമി (35) എന്നിവർക്കൊപ്പം ശരീരമാസകലം പൊള്ളലേറ്റ് എറണാകുളം മെഡിക്കൽ സെൻ്റർ ആശുപത്രിയിലെ തീ വ്രപരിചരണ വിഭാഗത്തിൽ പ്രവേശിപ്പിച്ചിരുന്ന കാലടി ആശ്രമം സ്കൂൾ ഒന്നാം ക്ലാസ് വിദ്യാർഥിയായ ഇവരുടെ ഇളയ മകൻ ആസ്തിക് ശനിയാഴ്ച രാത്രിയോടെയാണ് മരിച്ചത്.
നിസഹായതയുടെ നൊമ്പര തുരുത്തിൽ അകപ്പെട്ട ആ പിഞ്ചുകുഞ്ഞിൻ്റെ അതിദാരുണ ദുരന്തമറിഞ്ഞ് അനേകങ്ങളാണ് ഒരു നോക്കു കാണാൻ നാടിൻ്റെ നാനാഭാഗങ്ങളിൽ നിന്നെത്തിയത്. സനലിൻ്റെ തുറവൂരുള്ള തറവാട്ട് വീട്ടിൽ ഞായറാഴ്ച വൈകുന്നേരത്തോടെ പൊതുദർശനത്തിന് വച്ചപ്പോൾ ഉറ്റവരും, ഉടയവരുമടക്കം അനേകം പേർ അന്ത്യോപചാരം അർപ്പിച്ചു.തുടർന്ന് കിടങ്ങൂർ ശാന്തിനിലയത്തിൽ വൻ ജനാവലിയുടെ സാന്നിധ്യത്തിലാണ് മൃതദേഹം സംസ്കരിച്ചത്. ചിത്രം:-
മരിച്ച ആസ്തിക്
