കാലടി: ജർമനിയിലെ റെഗൻസ് ബുർഗ് രൂപതാ മെത്രാൻ മാർ റൂഡോൾഫ് വോദർ ഹോൾസർ തന്റെ മെത്രാഭിഷേകത്തിന്റെ പന്ത്രണ്ടാം വർഷികത്തോട് അനുബന്ധിച്ച് 18 വർഷമായി രൂപതയുടെ വിവിധ ഇടവകകളിൽ വികാരി ആയി സേവനം ചെയ്തു കൊണ്ടിരിക്കുന്ന, വിൻസെന്റ്ഷ്യൻ സഭാംഗവും മലയാളി വൈദീകനുമായ ഫാ. ജോസഫ് പുതുശ്ശേരി അച്ചന് എപ്പിസ്കേപ്പൽ കൗൺസിൽ അംഗം എന്ന ബഹുമതി നൽകി ആദരിച്ചു. സഭയ്ക്കും രൂപതയ്ക്കും
പ്രത്യേക സംഭാവനകൾ നൽകുന്ന വൈദികർക്ക് നൽകുന്ന ഒരു ബഹുമതി പദവിയാണ് ഇത്. പ്രാദേശിക ബിഷപ്പാണ് ഈ പദവി നൽകുന്നത്.
ഏൽപ്പിക്കുന്ന ഏത് ഉത്തരവാദിതങ്ങളും സമർപ്പണ മനോഭവത്തോടെയും, ഏറ്റവും ഉയർന്ന സ്നേഹത്തോടെയും, തികഞ്ഞ മാനുഷീക പരിഗണനയോടെയും പുതുശ്ശേരി അച്ചൻ ചെയ്യുന്നുത് കൊണ്ടാണ് അച്ചനെ ഈ ബഹുമതിക്ക് തിരഞ്ഞെടുത്തതെന്ന് രൂപത മെത്രാൻ മാർ റൂഡോൾഫ് വോദർ ഹോൾസൻ പിതാവ് ബഹുമതി സമർപ്പണ വേദിയിൽ പറഞ്ഞു. കുറഞ്ഞ സമയം കൊണ്ട് തന്നെ ജർമൻ ഭാഷയിൽ നല്ല പ്രാവീണ്യം നേടിയ ജോസഫ് അച്ചൻ നല്ല പ്രസംഗങ്ങളിലൂടെയും, പ്രാർത്ഥനാ രൂപിയിലൂടെയും ദൈവജനത്തിന് നല്കുന്ന സേവനങ്ങൾ രൂപതയ്ക്ക് അഭിമാനമാണന്ന് പിതാവ് കൂട്ടി ചേർത്തു.
ഫാ. ജോസഫ് പുതുശ്ശേരി ഇപ്പോൾ ജർമ്മനിയിലെ ആൾട്ട്എഗ്ലോഫ്സ്ഹെയിം – കോഫറിംഗ് എന്ന ഇടവകയുടെ വികാരിയാണ്. ഇന്ത്യയിൽ നിന്നുള്ള വിൻസെന്റ്ഷ്യൻ സമൂഹത്തിൽ നിന്നുള്ള അദ്ദേഹം വൈദീക പട്ടം സ്വീകരിച്ചിട്ട് 22 വർഷമായി. 18 വർഷമായി റെഗൻസ്ബുർഗ് രൂപതയിൽ സേവന മനുഷ്ഠിക്കുന്നു. തന്റെ ഇടവകകളിലെ നിരവധി ആളുകളെ സന്നദ്ധ സേവനം ചെയ്യാൻ അദ്ദേഹം ഏറെ പ്രോത്സാഹിപ്പിക്കുന്നു.
ഫാ. ജോസഫ് പുതുശ്ശേരി എറണാകുളം അങ്കമാലി അതിരൂപതയിലെ കൊറ്റമം ഇടവകയിൽ പുതുശ്ശേരി റോക്കി – ത്രേസ്യമ്മ ദമ്പതികളുടെ അഞ്ചു മക്കളിൽ നാലാമത്തേത് ആണ്.
