അങ്കമാലി: സ്ത്രീകളുടെ ആരോഗ്യ സംരക്ഷണത്തിൽ പുതിയൊരു ചുവടുവെയ്പുമായി അങ്കമാലി അപ്പോളോ അഡ്‌ലക്സ് ഹോസ്പിറ്റൽ. ആർത്തവവിരാമ ഘട്ടത്തിൽ പൂർണ്ണ ആരോഗ്യത്തോടും ആത്മവിശ്വാസത്തോടും കൂടിയുള്ള ജീവിതശൈലി ഉറപ്പാക്കുന്നതിനായി പ്രത്യേകം സജ്ജമാക്കിയ ‘സഖി’ എന്ന് പേരിട്ടിരിക്കുന്ന ‘മെനോപോസ് ക്ലിനിക്ക് ‘ പ്രവർത്തനമാരംഭിച്ചു. ക്ലിനിക്കിന്റെ ഉദ്ഘാടന ചടങ്ങിൽ അങ്കമാലി നഗരസഭ ചെയർപേഴ്സൺ റീത്ത പോൾ മുഖ്യാതിഥിയായി. അപ്പോളോ അഡ്‌ലക്സ് ഹോസ്പിറ്റൽ മെഡിക്കൽ സർവീസസ് ഡയറക്ടർ ഡോ. രമേഷ് കുമാർ ആർ, മെഡിക്കൽ സൂപ്രണ്ട് ഡോ സജു സാമുവൽ ജേക്കബ് എന്നിവരും ചടങ്ങിന്റെ ഭാഗമായി.
അപ്പോളോ അഡ്‌ലക്സ് ഹോസ്പിറ്റലിലെ നാലാം നിലയിൽ ഗൈനക്കോളജി വിഭാഗത്തിന് സമീപമായാണ് ക്ലിനിക്ക് സജ്ജീകരിച്ചിരിക്കുന്നത്. ഇന്ന് മുതൽ എല്ലാ ശനിയാഴ്ചകളിലും രാവിലെ 10:00 മണി മുതൽ 12:00 മണി വരെ ക്ലിനിക്കിന്റെ സേവനം ലഭ്യമായിരിക്കും. സ്ത്രീകളുടെ മെനോപോസ് ഘട്ടത്തിലുണ്ടാകുന്ന ശാരീരികവും മാനസികവുമായ മാറ്റങ്ങളെ കൃത്യമായി നേരിടാനും ആവശ്യമായ ചികിത്സ ലഭ്യമാക്കാനും വിദഗ്ദ്ധ ഗൈനക്കോളജിസ്റ്റുകളുടെ സേവനം ക്ലിനിക്കിൽ ലഭ്യമാണ്.
അപ്പോളോ അഡ്‌ലക്സ് ഹോസ്പിറ്റലിലെ ഒബ്‌സ്‌റ്റെട്രിക്‌സ് ആൻഡ് ഗൈനക്കോളജി വിഭാഗം സീനിയർ കൺസൾട്ടന്റും എച്ച്.ഒ.ഡി.യുമായ ഡോ. എലിസബത്ത് ജേക്കബ്, സീനിയർ കൺസൾട്ടന്റ് ഡോ. മെഴ്സി സി വി, സീനിയർ കൺസൾട്ടന്റ് ഡോ. ലേഖ കെ.എൽ, കൺസൾട്ടന്റ് ഡോ. അഞ്ചന വേണുഗോപാലൻ, കൺസൾട്ടന്റ് ഡോ. പൊന്നി എം.എസ് എന്നിവരുടെ നേതൃത്വത്തിലായിരിക്കും ക്ലിനിക്കിന്റെ പ്രവർത്തനം.
കൂടുതൽ വിവരങ്ങൾക്കും അപ്പോയിന്റ്മെന്റുകൾക്കുമായി 0484 7185000 / 85938 82299 എന്ന നമ്പറുകളിൽ ബന്ധപ്പെടുക.
