കാലടി: കാലടിയിൽ 5 വയസുകാരിക്ക് ദാരുണാന്ത്യം. മറ്റൂരിൽ ലക്ഷംവീട് ഉന്നതിയിൽ താമസിക്കുന്ന പുതിയാമഠം വീട്ടിൽ രതീഷിന്റേയും ഇന്ദുവിന്റെയും മകൾ മൈഥിലി രതീഷ് ആണ് മരണപ്പെട്ടത്. മരണകാരണം വ്യക്തമായിട്ടില്ല. ഛർദിയെ തുടർന്ന് കുട്ടി ചികിത്സയിലാരുന്നു. ഇന്ന് ഉച്ചയോടെയാണ് കുട്ടി മരിച്ചത്. അങ്കമാലിയിലെ സ്വകാര്യ അശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റുമാർട്ടത്തിന് ശേഷം ബന്ധുക്കൾക്ക് വിട്ട് നൽകും. മറ്റൂർ സർക്കാർ സ്കൂളിലെ യു.കെ.ജി. വിദ്യാർത്ഥിനിയാണ്.
