കൂത്താട്ടുകുളം∙ 4 മാസം പ്രായമായ കുഞ്ഞു ധ്രുവാന്റെ ചികിത്സയ്ക്കായി നാട് ഒന്നിക്കുന്നു. കിഴകൊമ്പ് പമ്പഴക്കുന്നേൽ അനന്തു അശോക്, അശ്വതി ദമ്പതികളുടെ മകനായ ധ്രുവാൻ, സ്പൈനൽ മസ്‌കുലാർ അട്രോഫി ടൈപ്പ്- 1 (എസ്എംഎ) രോഗ ബാധിതനാണ്. പേശികളുടെ ബലം കുറഞ്ഞ് ശരീരത്തിന്റെ ചലനശേഷി നഷ്‌ടപ്പെടുന്നതാണ് രോഗം.
ഒരു മാസം പ്രായമുള്ളപ്പോഴാണ് ധ്രുവാന് രോഗം കണ്ടെത്തുന്നത്. ചികിത്സയ്ക്കായി ഇതുവരെ ലക്ഷങ്ങൾ ചെലവായി. കുട്ടിയുടെ ശരീരത്തിന്റെ ചലന ശേഷി വീണ്ടെടുക്കാൻ ജീൻ തെറപ്പി വേണമെന്നാണ് ഡോക്‌ടർമാരുടെ നിർദേശം. ഇതിനുള്ള മരുന്ന് വിദേശത്തു നിന്നും എത്തിക്കണം. 16 കോടി രൂപയാണ് ചികിത്സയുടെ ചെലവ് കണക്കാക്കുന്നത്. ധ്രുവാന്റെ ചികിത്സയ്ക്കായി ജനപ്രതിനിധികളുടെയും നാട്ടുകാരുടെയും നേതൃത്വത്തിൽ ധ്രുവാൻ സഹായനിധി രൂപീകരിച്ചു.
ബാങ്ക് ഓഫ് ബറോഡ കൂത്താട്ടുകുളം ശാഖയിൽ കുട്ടിയുടെ പിതാവ് അനന്തു അശോക്, നഗരസഭാധ്യക്ഷൻ റെജി ജോൺ, വാർഡ് അംഗം ഷീല ബിനോയ് എന്നിവരുടെ പേരിൽ ജോയിന്റ് അക്കൗണ്ട് തുറന്നു.
- ബാങ്ക് അക്കൗണ്ട് വിവിരങ്ങള്‍
- ബാങ്ക് ഓഫ് ബറോഡ, കൂത്താട്ടുകുളം
- അക്കൗണ്ട് നമ്പർ: 55350100009131
- ഐഎഫ്എസ്ഇ കോഡ്: BARB0KOOKUL
