കാലടി : ആശുപത്രിയിൽ ചികിത്സയിലായിരുന്ന ഭർത്താവിന് ചായ വാങ്ങാൻ പോകവെ കാറിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. മാണിക്കമംഗലം തീരുതനത്തിൽ വീട്ടിൽ ജോസിൻ്റെ ഭാര്യ റോസി (68) യാണ് മരിച്ചത്. സംസ്കാരം ചൊവ്വാഴ്ച്ച രാവിലെ 9.30ന് മാണിക്കമംഗലം സെൻ്റ് റോക്കീസ് പള്ളിയിൽ
ചേരാനല്ലൂർ തോട്ടങ്കര കുടുംബാംഗമാണ് പരേതകഴിഞ്ഞ 13 ന് പുലർച്ചെ അങ്കമാലി ലിറ്റിൽ ഫ്ലവർ ആശുപത്രിയുടെ മുൻപിൽ എം.സി റോഡിലായിരുന്നു അപകടം.
റോസിയുടെ ഭർത്താവ് ജോസ് ലിറ്റിൽ ഫ്ലവർ ആശുപത്രിയിൽ ചികിത്സയിലായിരുന്നു. പുലർച്ചെ ചായ ആവശ്യപ്പെട്ട ഭർത്താവിനായി ചായ വാങ്ങാൻ റോഡ് കുറുകെ കടക്കവെ കാറ് ഇടിക്കുകയായിരുന്നു. തലക്കും, കാലിനും, ഗുരുതരമായി പരിക്കേറ്റ റോസിയെ എൽ എഫ് ആശുപത്രിയിലും തുടർന്ന് രാജഗിരി ആശുപത്രിയിലും പ്രവേശിപ്പിക്കുകയായിരുന്നു. ഞായറാഴ്ച ഉച്ചക്ക് ശേഷമാണ് മരിച്ചത്. മകൾ: ജോസ്മി (ആസ്ട്രേലിയ). മരുമകൻ:പത്തനംതിട്ട ചെന്നീർക്കര താന്നി നിൽക്കുന്നതിൽ കുടുംബാംഗം ലിജു
