കാലടി: പ്രസ്സ് ക്ലബ് കാലടിയുടെ നേതൃത്വത്തിൽ ഒക്ടോബർ രണ്ട് ഗാന്ധി ജയന്തി ദിനത്തിൽ ഒരുക്കുന്ന മികവ് 2K23 എന്ന പരിപാടിയുടെ സപ്ലിമെന്റിന്റെ പ്രകാശനം റവന്യൂ-ഭവന നിർമ്മാണ വകുപ്പ് മന്ത്രി അഡ്വ:കെ രാജൻ നിർവ്വഹിച്ചു. റോജി എം ജോൺ എംഎൽഎ സപ്ലിമെന്റ് ഏറ്റ് വാങ്ങി.കാലടി ശ്യംഗേരി മഠം, മലയാറ്റൂർ സെന്റ്:തോമസ് ചർച്ച്, കാഞ്ഞൂർ സെന്റ്:മേരീസ് ഫൊറോന ചർച്ച്, തിരുവൈരാണിക്കുളം മഹാദേവ ക്ഷേത്രം ,ശ്രീമൂലനഗരം ചുള്ളിക്കാട്ട് ജുമാ മസ്ജിദ് എന്നീ ആരാധനാലയങ്ങളേയും ആദി ശങ്കര ട്രസ്റ്റ്, ടോളിൻസ് ഗ്രൂപ്പ് എന്നീ സ്ഥാപനങ്ങളേയും, എസ് എസ് എൽ സി, പ്ലസ് ടൂ പരീക്ഷക ളിൽ നൂറ് ശതമാനം വിജയം നേടിയ വിദ്യാഭ്യാസ സ്ഥാപനങ്ങൾ, വിവിധ മേഖലകളിൽ മികവ് തെളിയിച്ച വ്യക്തികളേയു മാണ് ചടങ്ങിൽ ആദരിക്കുന്നത്.
കാലടി ഗ്രാമപഞ്ചായത്ത് പ്രസിഡന്റ് ഷൈജൻ തോട്ടപ്പിള്ളി, ജില്ലാ പഞ്ചായത്ത് അംഗം ശാരദാ മോഹൻ, പ്രസ്സ് ക്ലബ് പ്രസിഡന്റ് പി.ഐ നാദിർഷ, സെക്രട്ടറി അരുൺ മുകുന്ദൻ, ട്രഷറർ ഷിഹാബ് പറേലി എക്സിക്യൂട്ടീവ് അംഗങ്ങളായ പ്രശാന്ത് പാറപ്പുറം, സുമേഷ് കെ കെ, റിജോ ജോസഫ് , എഎ ആരിഫ് എന്നിവർ പ്രകാശന ചടങ്ങിൽ പങ്കെടുത്തു
