ആലുവ: റൂറൽ ജില്ലയിലെ കോടനാട് പോലീസ് സ്റ്റേഷന് ഐ.എസ്.ഒ സർട്ടിഫിക്കറ്റ്. മികവുറ്റ പ്രവർത്തനങ്ങൾക്കാണ് സർട്ടിഫിക്കറ്റ് ലഭിച്ചിട്ടുള്ളത്. മികച്ച അടിസ്ഥാന സൗകര്യങ്ങളാണ് സ്റ്റേഷനുള്ളത്. കൂടുതൽ പൊതു ജന സൗഹൃദം, ഭൗതിക സാഹചര്യങ്ങളുടെ മികവ്, കുറ്റകൃത്യങ്ങളുടെ എണ്ണത്തിൽ കുറവ്, ഡിജിറ്റൽ സൗകര്യങ്ങൾ, മികച്ച അന്വേഷണം തുടങ്ങിയ കാര്യങ്ങൾ മുൻനിർത്തിയാണ് സർട്ടിഫിക്കറ്റിന് അർഹത നേടിയത്. 1987 ൽ ആണ് കോടനാട് പോലിസ് സ്റ്റേഷൻ സ്ഥാപിതമായത്. ഐ.എസ്.ഒ സർട്ടിഫിക്കറ്റ് വിതരണ ചടങ്ങ് സ്റ്റേഷൻ അങ്കണത്തിൽ ശനിയാഴ്ച വൈകീട്ട് ജില്ലാ പോലീസ് മേധാവി എം. ഹേമലത ഉദ്ഘാടനം ചെയ്യും. ഇൻസ്പെക്ടർ എ.എസ് സരിൻ അധ്യക്ഷത വഹിയ്ക്കും.
