കാഞ്ഞൂർ: കാഞ്ഞൂർ പഞ്ചായത്ത് പ്രസിഡന്റ് തെരഞ്ഞെടുപ്പിൽ വിജി ബിജു പ്രസിഡന്റാകും. യുഡിഎഫിൽ നടന്ന ചർച്ചയെ തുടർന്നാണ് വിജി പ്രസിഡന്റാകുന്നത്. തിങ്കളാഴ്ച്ചയാണ് പ്രസിഡന്റ് തെരഞ്ഞെടുപ്പ്, ഒരു വർഷമാണ് വിജിയുടെ കാലാവധി. തുടർന്ന് പ്രിയ രഘു പ്രസിഡന്റാകും. കെ.എൻ കൃഷ്ണകുമാർ വൈസ് പ്രസഡന്റ് സ്ഥാനം രാജിവക്കും. അദ്യ വർഷം സിമി ടിജോയും പിന്നീട് സരിതാ ബാബുവും വൈസ് പ്രസിഡന്റാകും. യുഡിഎഫ് ഭരിക്കുന്ന പഞ്ചായത്തിൽ ഗ്രേസി ദയാനന്ദൻ പ്രസിഡന്റ് സ്ഥാനം രാജി വച്ചതിനെ തുടർന്നാണ് വീണ്ടും പ്രസിഡന്റ് തെരഞ്ഞെടുപ്പ് നടക്കുന്നത്.
15 അംഗ ഭരണസമിതിയിൽ യുഡിഎഫ് 7, എൽഡിഎഫ് 6, സ്വതന്ത്രർ 2 എന്നിങ്ങനെയാണ് കക്ഷി നില. വ്യക്തമായ ഭൂരിപക്ഷം പ്രധാന മുന്നണികൾക്ക് ഇല്ലാതിരിക്കെ രണ്ട് സ്വതന്ത്ര അംഗങ്ങളുടെ പിന്തുയോടെയാണ് യുഡിഎഫ് ഭരിക്കുന്നത്. സ്വതന്ത്രരായി വിജയിച്ചത് വിജി ബിജുവും,സരിതാ ബാബുവുമാണ്. ഇരുവരും കോൺഗ്രസ് റിബലായിട്ടാണ് വിജയിച്ചതെങ്കിലും പിന്നീട് പിന്തുണ യുഡിഎഫിന് നൽകുകയായിരുന്നു.
