കാലടി: കാലടി പോലീസ് സ്റ്റേഷൻ കാണുന്നവർ അത്ഭുതത്തോടെയാണ് നോക്കുന്നത്. ഇത് പോലീസ് സ്റ്റേഷൻ തന്നെയാണോ എന്ന സംശയത്തോടെയാണ് പലരുടേയും നോട്ടം. നാടെങ്ങും ക്രിസ്തുമസിനെ വരവേൽക്കാൻ ഒരിങ്ങിയിരിക്കുകയാണല്ലോ.ഏതൊരു ആഘോഷവും അതിര് വിടാതെ നോക്കുന്നവരാണ് കേരള പോലീസ്. ആഘോഷങ്ങൾ ഒന്നും തന്നെ പൂർണ്ണമായി ആഘോഷിക്കാൻ കഴിയാത്തതും പോലീസിനാണ്.എന്നാൽ ഇത്തവണത്തെ ക്രിസ്തുമസ് ആഘോഷിക്കാൻ തന്നെയാണ് കാലടി പോലീസ് ഒരുങ്ങിയിരിക്കുന്നത്.
ക്രിസ്തുമസിന്റെ വരവറിയിച്ച് നാടെങ്ങും നക്ഷത്രങ്ങൾ തൂക്കിയും അലങ്കരിച്ചിരിക്കുന്നതും കണ്ടതോടെ കാലടി പോലീസിനും ആഗ്രഹം.പോലീസ് സ്റ്റേഷനും അലങ്കരിക്കണമെന്ന്.പോലീസുകാരുടെ ആഗ്രഹം സി ഐ അനൂപിനോടും എസ് ഐ ഹരീഷിയോടും അഡീഷണൽ എസ് ഐ റോജോ മോനോടും പറഞ്ഞപ്പോൾ ഇവർ പൂർണ്ണ പിന്തുണ നൽകി എന്ന് മാത്രമല്ല അലങ്കാരങ്ങൾക്കായി മൂവരും മുന്നിട്ടിറങ്ങിയതോടെ കാലടി പോലീസ് സ്റ്റേഷൻ പൂർണ്ണമായ അലങ്കാരത്തിലായി. സ്റ്റേഷനിലെ മുഴുവൻ ഉദ്യോഗസ്ഥരും ചേർന്ന് പരസ്പരം പിരിവെടുത്താണ് പോലീസ് സ്റ്റേഷൻ അലങ്കരിച്ചിരിക്കുന്നത്.വർണ്ണ ബൾബുകൾ കൂടാതെ പതിനഞ്ചോളം നക്ഷത്രങ്ങളും തൂക്കിയിട്ടുണ്ട്.
ന്യൂയിയർ വരെ ഈ ദീപാലങ്കാരം നിലനിർത്തുമെന്നും 24-ാം തീയതി പൂൽക്കൂട് ഒരുക്കുമെന്നും പേലീസുകാർ പറയുന്നു.ക്രിസ്തുമസ് ദിനത്തിൽ എത്തുന്നവർക്ക് കേക്ക് കൂടി ലഭിക്കില്ലേ എന്നും ഏത് ഉദ്യോഗസ്ഥനാണ് സമ്മാനങ്ങൾ നൽകുന്ന ക്രിസ്തുമസ് പപ്പാ എന്നുമാണ് നാട്ടുകാർ ചോദിക്കുന്നത്.
