കാലടി: കാലടി ചെങ്ങൽ റെയിൽവേ പാലത്തിനു താഴെ പെരിയാറിൽ കോളേജ് വിദ്യാർത്ഥിനിയെ മരിച്ച നിലയിൽ കണ്ടെത്തി. കോടനാട് എളമ്പകപ്പിള്ളി സ്വദേശിനി അഞ്ജന ബിജുവിനെയാണ് മരിച്ച നിലയിൽ കണ്ടെത്തിയത്. 21 വയസായിയിരുന്നു . രാവിലെ 10.30 വാടെയായിരുന്നു സംഭവം.
പുഴയിൽ വീണു കിടന്ന പെൺകുട്ടിയെ കണ്ട് സമീപത്ത് ജോലി ചെയ്യുന്ന സ്ത്രീകൾ ഒച്ച വയ്ക്കുകയും തുടർന്ന് നാട്ടുകാരെത്തി കരയ്ക്ക് എത്തിക്കുകയായിരുന്നു. ഉടൻതന്നെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കോലഞ്ചേരി സെന്റ്. പീറ്റേഴ്‌സ് കോളേജിലെ വിദ്യാർഥിനിയാണ്. പെരുമ്പാവൂർ പോലീസ് സ്ഥലത്തെത്തി മേൽ നടപടികൾ സ്വീകരിച്ചു.
ശബരി റെയിൽവേക്കായി നിർമിച്ച പാലം നീല പാലം എന്നാണ് അറിയപ്പെടുന്നത്. പാലം അടയ്ക്കണമെന്ന് നിരവധി തവണ നാട്ടുകാർ ആവശ്യപ്പെട്ടിട്ടുള്ളതാണ്. എന്നാൽ അധികൃതരുടെ ഭാഗത്ത് നിന്നും യാതൊരു നടപടിയും ഉണ്ടായിട്ടില്ല. ഇനിയെങ്കിലും പാലം അടച്ചില്ലെങ്കിൽ വൻ പ്രതിഷേധത്തിനാണ് നാട്ടുകാർ തയ്യാറെടുക്കുന്നത്
