കാലടി: കാലടി ഗ്രാമപഞ്ചായത്തിൽ പ്രസിഡൻ്റ് വൈസ് പ്രസിഡൻ്റ് പദവികൾ സംബന്ധിച്ച് യു.ഡി.എഫ്.ൽ ധാരണയായി. പ്രസിഡൻ്റ്,വൈസ് പ്രസിഡൻ്റ് പദവികൾക്ക് 2 ടേം നിശ്ചയിച്ചു. ആദ്യ ടേമിൽ 18-ാം വാർഡിൽ നിന്നും തിരഞ്ഞെടുക്കപ്പെട്ട പൗളി ബേബി പ്രസിഡന്റും 15-ാം വാർഡിൽ നിന്നും തിരഞ്ഞെടുക്കപ്പെട്ട പി.വി. സ്റ്റീഫൻ പട്ടത്തി വൈസ് പ്രസിഡൻ്റും ആകും. ആദ്യ 3 വർഷമായിരിക്കും പൗളി ബേബി പ്രസിഡൻ്റ് പദം അലങ്കരിക്കുന്നത്. തുടർന്നുള്ള രണ്ടു വർഷം 7-ാം വാർഡിൽ നിന്നും തിരഞ്ഞെടുക്കപ്പെട്ടിട്ടുള്ള ഹർഷ മനോജ് പ്രസിഡൻ്റ് പദമലങ്കരിക്കും.വൈസ് പ്രസിഡൻ്റ് പദവി ആദ്യ 3 വർഷം പി.വി. സ്റ്റീഫൻ വഹിക്കും. പ്രവർത്തന മികവിന്റെ അടിസ്ഥാനത്തിൽ തുടർന്നുള്ള 2 വർഷത്തെ വൈസ് പ്രസിഡൻ്റ് സ്ഥാനം പിന്നീട് തീരുമാനിക്കും.
