കാലടി: തിരുവൈരാണിക്കുളം ക്ഷേത്ര ട്രസ്റ്റിന് കീഴിലുളള തിരുവാതിര അക്കാദമിയുടെ ഫ്യൂച്ചർ ഫുട്ബോൾ അക്കാദമിയിലെ കുട്ടികൾക്ക് ജെഴ്സികൾ വിതരണം ചെയ്തു. ക്ഷേത്ര ട്രസ്റ്റ് സെക്രട്ടറി എ.എൻ മോഹനൻ വിതരണോദ്ഘാടനം നിർവഹിച്ചു. തിരുവാതിര അക്കാദമി പ്രസിഡന്റ് പി.കെ വേണുഗോപാൽ, സെക്രട്ടറി പി.നാരായണൻ, ട്രസ്റ്റ് അംഗങ്ങളായ എം.എസ് അശോകൻ, കെ.ജി. ശ്രീകുമാർ, എ.പി സാജു, എൻ.കെ റെജി, അക്കാദമി കമ്മിറ്റി അംഗം വി.ആർ സുരേഷ്, പി.ബി. മുരളിദാസ് എന്നിവർ സംസാരിച്ചു. കേരള എഫ്സി അണ്ടർ 16 വിഭാഗത്തിലേക്ക് തെരഞ്ഞെടുത്ത ഫ്യൂച്ചർ ഫുട്ബോൾ അക്കാദമിയിലെ ലുക്മാനേയും, ചിത്ര കലാ അധ്യാപകൻ മനോഹരനെയും ചടങ്ങിൽ ആദരിച്ചു. 32 കുട്ടികളാണ് ഫ്യൂച്ചർ അക്കാദമിയിൽ ഫുട്ബോൾ പരിശീലിക്കുന്നത്. മുഹമ്മദ് നിയാസാണ് കുട്ടികളെ പരിശീലിപ്പിക്കുന്നത്.
