തൃശൂര്‍: തൃശ്ശൂരിൽ ഉറങ്ങിക്കിടന്നവരുടെ ദേഹത്തുകൂടി തടിലോറി കയറിയിറങ്ങി അഞ്ചു പേർ മരിച്ച സംഭവത്തിൽ ലോറിയുടെ ഡ്രൈവറും ക്ലീനറും മദ്യപിച്ചിരുന്നുവെന്ന് സ്ഥിരീകരിച്ച് പൊലീസ്. വാഹനം ഓടിച്ചിരുന്നത് ക്ലീനറായിരുന്നു. ഇയാൾക്ക് ഡ്രൈവിങ് ലൈസൻസില്ല. സംഭവത്തിൽ കണ്ണൂർ ആലങ്ങാട് സ്വദേശിയായ ക്ലീനർ അലക്സ്, കണ്ണൂർ സ്വദേശി ജോസ് എന്നിവരെ കസ്റ്റഡിയിലെടുത്തു. ഡ്രൈവറായി നിശ്ചയിച്ചിരുന്ന ജോസ് മദ്യപിച്ച ശേഷം വാഹനത്തിൽ കിടന്നുറങ്ങുകയായിരുന്നു. തുടർന്ന് മദ്യലഹരിയിൽ അലക്സ് വാഹനം ഓടിക്കുകയായിരുന്നു. നാട്ടികയിൽ ഉറങ്ങിക്കിടന്ന നാടോടികളുടെ ദേഹത്തുകൂടിയാണ് തടിലോറി കയറിയിറങ്ങിയത്. കാളിയപ്പൻ (50), ജീവൻ (4), […]

കൊച്ചി: കെസിബിസി മീഡിയ കമ്മീഷൻ ഏർപ്പെടുത്തിയ 33-ാമത് കെസിബിസി മാധ്യമ അവാർഡിന് ദീപിക കൊച്ചി ബ്യൂറോ ചീഫ് സിജോ പൈനാടത്ത് അർഹനായി. ക്രിയാത്മക പത്രപ്രവർത്തന ശൈലിയിലെ മികവും സവിശേഷമായി മലയോര, തീരദേശ ജനത അഭിമുഖീകരിക്കുന്ന വിവിധ പ്രശ്നങ്ങളെ അന്വേഷണ വിധേയമാക്കി ദീപികയിൽ എഴുതിയ പരന്പരകളും റിപ്പോർട്ടുകളുമാണു, സിജോ പൈനാടത്തിനെ പുരസ്കാരത്തിന് അർഹനാക്കിയത്. 17 വർഷമായി ദീപിക പത്രാധിപസമിതി അംഗമായ സിജോയ്ക്കു നേരത്തെ ദേശീയതലത്തിലുള്ള റീച്ച്-യുഎസ് എയ്ഡ് മീഡിയ ഫെലോഷിപ്പ്, കേരള മീഡിയ അക്കാദമി മാധ്യമ ഗവേഷക ഫെലോഷിപ്പ്, […]

കാലടി: കാലടിയിൽ ലോട്ടറിക്കടയിൽ മോഷണം. ആലുവ റോഡിൽ വിന്നേഴ്‌സ് ലോട്ടറിക്കടയിലാണ് മോഷണം നടന്നത്. പൊതിയക്കര സ്വദേശി പൗലോസിന്റെതാണ് ലോട്ടറിക്കട. കഴിഞ്ഞ ദിവസം രാത്രിയിലാണ് മോഷണം നടന്നത്. കമ്പിപാര ഉപയോഗിച്ച് ഷട്ടർ കുത്തി തുറന്നാണ് മോഷ്ടാവ് അകത്ത് കയറിയത്. 5625 ലോട്ടറിയാണ് മോഷണം പോയത്‌. ഏകദേശം 2 ലക്ഷം രൂപയുടെ ലോട്ടറിയാണ് മോഷണം പോയത്‌. മേശയിൽ ഉണ്ടായിരുന്ന പതിനായിരം രൂപയും മോഷണം പോയിട്ടുണ്ട്. കാലടി പോലീസ് അന്വേഷണം ആരംഭിച്ചു. ഫോറൻസിക് വിഭാഗം കടയിൽ പരിശോധന നടത്തി.  

കാലടി:എറണാകുളം ജില്ലാ പഞ്ചായത്തിന്റെ പ്രഥമ പ്രസിഡൻ്റായിരുന്ന പി കെ ഇബ്രാഹിംകുട്ടിയുടെ നാമധേയത്തിലുള്ള തുറവുങ്കര പി കെ സ്ക്വയറിൽ ആരംഭിച്ച ഓപ്പൺ ജിം ഉദ്ഘാടനം ചെയ്തു.എറണാകുളം ജില്ലാ പഞ്ചായത്താണ് ഓപ്പൺ ജിം നിർമ്മിച്ചിട്ടുള്ളത്.ജില്ലാ പഞ്ചായത്തംഗം ശാരദ മോഹൻ അധ്യക്ഷയായ ചടങ്ങിൽ ജില്ലാ പഞ്ചായത്ത് പ്രസിഡൻറ് മനോജ് മൂത്തേടൻ ജിം ഉദ്ഘാടനം ചെയ്തു.ജിമ്മിന് സമീപം മിനി സ്റ്റേജ് നിർമ്മിക്കുന്നതിനും,ജിം റൂഫ് ചെയ്യുന്നതിനും,സമീപപ്രദേശങ്ങൾ ടൈൽ വിരിക്കുന്നതിനും,വാക്ക് വേ നിർമ്മിക്കുന്നതിനും,ചെങ്ങൽ തോടിനോട് അഭിമുഖമായി കോൺക്രീറ്റ് ബെഞ്ചുകൾ നിർമ്മിക്കുന്നതിനും,കുട്ടികളുടെ പാർക്കിനും,ബയോ ടോയ്ലറ്റ് നിർമ്മിക്കുന്നതിനുമായി ഫണ്ട് […]

തൃശൂർ: മുരിങ്ങൂർ ഡിവൈൻ നഗർ റെയിൽവേ സ്റ്റേഷനിൽ പാളം മുറിച്ച് കടക്കുന്നതിനിടയിൽ രണ്ട് സ്ത്രീകളെ ട്രെയിൻ തട്ടി. ഒരു സ്ത്രീ തൽക്ഷണം മരിച്ചു. ഒരാൾക്ക് ഗുരുതരമായി പരുക്കേറ്റു. ഡിവൈൻ ധ്യാനകേന്ദ്രത്തിൽ ധ്യാനത്തിന് എത്തിയ കാഞ്ഞങ്ങാട് സ്വദേശിയാണ് മരിച്ചത്. ഇവരുടെ പേര് സ്ഥിരീകരിച്ചിട്ടില്ല. വടക്കൻ പറവൂർ വടക്കും പാടൻ  തോമസിന്റെ ഭാര്യ ഉഷക്കാണ് ഗുരുതരമായി പരുക്കേറ്റത്. അര മണിക്കൂറോളം റെയിൽവേ ട്രാക്കിൽ പരുക്കേറ്റ് കിടന്ന ശേഷമാണ് പൊലീസ് എത്തി ഇവരെ ആശുപത്രിയിലേക്ക് മാറ്റിയത്. മൂന്നു പേർ ഒരേസമയം ട്രാക്ക് […]

കാലടി: കേരള ടെക്‌നോളജിക്കൽ യൂണിവേഴ്‌സിറ്റിയിലെ വോളിബോൾ, ബാസ്‌ക്കറ്റ്‌ബോൾ, കരാട്ടേ ടീമുകളിലേക്ക് കാലടി ആദിശങ്കര ഇൻസ്റ്റിറ്റ്യൂട്ട് ഓഫ് എൻജിനീയറിങ്ങ് ആൻറ് ടെക്‌നോളജിയിലെ 12 വിദ്യാർത്ഥികളെ തിരഞ്ഞെടുത്തു. വോളിബോൾ ടീമിലേക്ക് എം. കീർത്തന, പി. എ കൃഷ്ണ പ്രിയ, എയ്ഞ്ചൽ മരിയ ഷാജു, മേഘന റെജി, പി. അനുശ്രീ, ദേവിക സാബു, മീനാക്ഷി തീർത്ത, എൻ എസ് ഭാമ, തീർത്ത എസ് നായർ (റിസർവ്), അലീന ആൻ ജേക്കബ് (റിസർവ്). ബാസ്‌ക്കറ്റ്‌ബോൾ ടീമിലേക്ക് റോസ്മിൻ ജോസ്, കരാട്ടേ ടീമിലേക്ക് ബിബിൽ […]

കാലടി: നിര്‍മ്മാണം പുരോഗമിക്കുന്ന കാലടി-മലയാറ്റൂര്‍ റോഡിന്‍റെ ഒന്നാംഘട്ട ടാറിംങ് അടുത്ത ആഴ്ച ആരംഭിക്കുമെന്ന് അങ്കമാലി എം.എല്‍.എ റോജി എം. ജോണ്‍ അറിയിച്ചു. പ്രധാന ഭാഗങ്ങളിലെ കല്‍വര്‍ട്ടുകളുടേയും കാനയുടേയും പണി പൂര്‍ത്തീകരിച്ച് വരികയാണ്. ജലജീവന്‍ മിഷന്‍ പദ്ധതിയില്‍ പൈപ്പുകള്‍ സ്ഥാപിച്ച ഭാഗങ്ങള്‍ ബലപ്പെടുത്തുന്ന പ്രവര്‍ത്തിയും അവസാന ഘട്ടത്തിലാണ്. ഒന്നാംഘട്ട ടാറിംങ് ജോലി എത്രയും വേഗം ആരംഭിച്ച് ക്രിസ്തുമസ് അവധിക്ക് മുമ്പായി തീര്‍ക്കാനാണ് പരിശ്രമം. രണ്ടാംഘട്ട ടാറിംങും മറ്റ് അനുബന്ധ പ്രവര്‍ത്തികളും ജനുവരി മാസത്തില്‍ തന്നെ പൂര്‍ത്തീകരിക്കുമെന്ന് എം.എല്‍.എ പറഞ്ഞു. […]

കാലടി: വർഷങ്ങളോളം തലച്ചുമടുമായി മലയാറ്റൂർ കുരിശുമുടിയിലേക്ക് വസ്തുക്കൾ എത്തിച്ചിരുന്ന മലയാറ്റൂർ സ്വദേശിനി മറിയം (86) നിര്യാതയായി. കഴിഞ്ഞ 70 വർഷമായി കുരിശുമുടിയിലേക്ക് മറിയം തലച്ചുമടായി സാധനങ്ങൾ എത്തിക്കുന്നുണ്ട്. പാറക്കെട്ടുകളും ഉരുളൻ കല്ലുകളും നിറഞ്ഞ വഴിയിലൂടെ വടി കുത്തിപ്പിടിച്ചു മറിയത്തിന്റെ യാത്ര തീർഥാടകർ അതിശയമായിരുന്നു. പന്ത്രണ്ടാം വയസിൽ അമ്മയുടെ സഹായിയായി മലകയറിതുടങ്ങിയതാണ് മറിയം. കുരിശുമുടി പള്ളിയുടെ പുനർ നിർമാണത്തിനുള്ള മണലും സിമന്റുമാണ് അന്ന് ചുമന്നത്. വർഷങ്ങൾക്കിപ്പുറവും മറിയം മലകയറിയിരുന്നു. ദിവസത്തിൽ മൂന്നും നാലും തവണ മലകയറിയിരുന്നത് പ്രായമായതോടെ ഒരു […]