അങ്കമാലി: പത്ത് വയസുകാരനെ അമ്മ വീട്ടിൽ തൂങ്ങി മരിച്ച നിലയിൽ കണ്ടെത്തി. മലയാറ്റൂർ ചെരിയംപറമ്പിൽ രമേശിൻ്റെയും ദിവ്യയുടെയും മകൻ ആകത് ആണ് മരിച്ചത്. ചൊവ്വാഴ്ച വൈകിട്ട് ആറോടെയായിരുന്നു സംഭവം. പാലിശ്ശേരിയിലെ ദിവ്യയുടെ വീട്ടിലെ കിടപ്പുമുറിയിലെ ഫാനിൽ തൂങ്ങിയ നിലയിലാണ് ആകതിനെ കണ്ടെത്തിയത്. ഉടൻ അങ്കമാലി അപ്പോളോ അഡ്ലക്സ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ദിവ്യയുടെ അമ്മയ്ക്ക് സുഖമില്ലാത്തതിനാൽ കുറച്ചുനാളായി രമേശും കുടുംബവും പാലിശ്ശേരിയിലെ ദിവ്യയുടെ വീട്ടിലായിരുന്നു താമസം. ഈ വർഷം അഞ്ചാം ക്ലാസിലേയ്ക്ക് പ്രവേശനം നേടിയ വിദ്യാർത്ഥിയാണ് ആകത്.
സഹോദരനുമായുണ്ടായ തർക്കത്തെ തുടർന്നാണ് കുട്ടി ആത്മഹത്യ ചെയ്തതെന്നാണ് പ്രാഥമിക നിഗമനം. മൃതദേഹം പോസ്റ്റ്‌മോർട്ടത്തിനുശേഷം ബന്ധുക്കൾക്ക് വിട്ടുനൽകും. സഹോദരൻ: അദ്വൈത്.
