കാലടി: ആദിശങ്കര ഇൻസ്റ്റിറ്റ്യൂട്ട് ഓഫ് എഞ്ചിനീയറിംഗ് ആൻഡ് ടെക്നോളജിയിൽ അന്താ രാഷ്ട്ര കോൺഫറൻസ് ആരംഭിച്ചു. ഐ ഇ ഇ കേരള ചെയർ ഡോ. ബി എസ് മനോജ്‌ ഉദ്ഘാടനം നിർവഹിച്ചു, ആദിശങ്കര മാനേജിങ്ങ് ട്രസ്റ്റി കെ ആനന്ദ് അധ്യക്ഷത വഹിച്ചു. തൃശ്ശൂർ സീ മെറ്റ് ശാസ്ത്രജ്ഞൻ ഡോ. എം.എൻ മുരളീധരൻ, പ്രിൻസിപ്പൽ ഇൻ ചാർജ് ഡോ. എസ്. ശ്രീപ്രിയ, പ്രൊഫ. ഡോ. പി. ആർ ബിപ്പിൻ, ഡോ. ശ്രീന ശ്രീകുമാർ തുടങ്ങിയവർ സംസാരിച്ചു. വിവിധവും നൂതനവുമായ സാങ്കേതിക വിദ്യകളെ ആസ്പദമാക്കി പ്രൊഫഷണൽ സോസെറ്റിയായ ഐ ഇ ഇ ഇ യുടെയും ഗവണ്മെന്റ് ഓഫ് ഇന്ത്യയുടെ ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാ ലയത്തിന്റെയും സഹകരണത്തോടെയാണ് കോൺഫറൻസ് നടത്തുന്നത്. ആദിശങ്കരയിലെ ഇലക്ട്രോണിക്സ് ആൻഡ് കമ്മ്യൂണിക്കേഷൻ, ഇലക്ട്രിക്കൽ ആൻഡ് ഇലക്ട്രോണിക്ക്സ് വകുപ്പുകളുടെ മേൽനോട്ടത്തിലാണ്‌ കോൺഫ്രൻസ്. കമ്പ്യൂട്ടിങ്, കമ്മ്യൂണിക്കേഷൻ, എംബെഡെഡ്ഡ് സിസ്റ്റംസ്, സെക്യൂരിറ്റി എന്നീ മേഖലകളിൽ നിന്നുള്ള ഇരുന്നൂറോളം പ്രബന്ധങ്ങൾ അവതരിപ്പിക്കപ്പെടും. രാജ്യത്തിനകത്തും പുറത്തും നിന്നുമായി പ്രത്ഭരായ ഒട്ടനവധി സാങ്കേതിക വിദഗ്ദ്ധർ ചർച്ചകൾ നയിക്കുന്നു. 13ന് സമാപിക്കും.
