പെരുമ്പാവൂർ: വർഗീസിന്റ സത്യസന്ധത, കളഞ്ഞു പോയ പെൻഷൻ പണം ഐസക്കിന് തിരികെ ലഭിച്ചു. ട്രഷറിയിൽ നിന്ന് പെൻഷൻ വാങ്ങി വീട്ടിലേക്ക് പോകുന്ന വഴി കൊമ്പനാട് സ്വദേശി ഐസക്കിന്റെ പണമടങ്ങിയ ബാഗ് നഷ്ടപ്പെട്ടത്. വഴിയിൽ നിന്ന് ബാഗ് ലഭിച്ച കൂവപ്പടി ചുള്ളി വീട്ടിൽ വർഗീസ് അത് കോടനാട് പോലീസ് സ്റ്റേഷനിൽ ഏൽപ്പിച്ചു. പോലീസ് നടത്തിയ അന്വേഷണത്തിൽ ഉടമയെ കണ്ടെത്തി. തുടർന്ന് ഇരു കൂട്ടരേയും സ്റ്റേഷനിലേക്ക് വിളിച്ചു വരുത്തി എസ്.ഐമാരായ കെ.പി എൽദോ , ജോർജ് ആന്റണി എന്നിവരുടെ സാന്നിധ്യത്തിൽ പണമടങ്ങിയ ബാഗ് കൈമാറി.
