കാലടി: ന്യൂസ് വിഷൻ വർത്ത ചെയ്ത് നിമിഷങ്ങൾക്കകം കാലടി ജംങ്ങ്ഷനിലെ സിഗ്നൽ ലൈറ്റിലെ ഏത് നിമിഷവും നിലംപൊത്താറായ പരസ്യ ബോർഡ് പൂർവ്വസ്ഥിതിയിലാക്കി. വാർത്ത ശ്രദ്ധയിൽപ്പെട്ട അധികൃതർ പരസ്യ ബോർഡ് പൂർവ്വസ്ഥിതിയിലാക്കി അപകടം ഒഴിവാക്കുകയായിരുന്നു.
വൻ അപകട ഭീഷണിയായിരിക്കുകയായിരുന്നു പരസ്യ പരസ്യ ബോർഡ്. രണ്ട് കൊളുത്തിൽ ഒരെണ്ണം അടർന്ന് പോയിരിക്കുകയായിരുന്നു. ഒരു കൊളുത്തിലാണ് ഇത് തൂങ്ങിക്കിടന്നിരുന്നത്. നിരവധി വാഹനങ്ങളും, യാത്രക്കാരും കടന്നുപോകുന്ന എംസി റോഡിലാണ് ഈ അപകടകരമായ പരസ്യ ബോർഡ് തൂങ്ങിക്കിടന്നത്. രാജഗിരി ആശുപത്രിയുടെതാണ് പരസ്യ ബോർഡ്.
ഗതാഗത കുരുക്ക് ഇല്ലാതാക്കാൻ ലക്ഷങ്ങൾ മുടക്കിയാണ് കാലടി ജംങ്ങ്ഷനിൽ സിഗ്നൽ ലൈറ്റ് സ്ഥാപിച്ചത്. എന്നാൽ നിർമാണം പൂർത്തികരിച്ചിട്ടും ലൈറ്റ് പ്രവർത്തിച്ചിട്ടില്ല. സിഗ്നൽ പ്രവർത്തിക്കാഞ്ഞിട്ടും സ്വകര്യ വ്യക്തികൾക്ക് പരസ്യം സ്ഥാപിക്കാൻ നൽകിയിരിക്കുകയാണ്. മറ്റൂർ ജംഗ്ഷനിലും ഇത്തരത്തിൽ ലക്ഷങ്ങൾ ചിലവഴിച്ച് സിഗ്നൽ ലൈറ്റ് സ്ഥാപിച്ചിരുന്നു. അതും പ്രവർത്തന രഹിതമാണ്. അവിടെ പരസ്യങ്ങൾ വക്കൻ അധികൃതർ സ്വകാര്യ വ്യക്തികൾക്ക് അനുവാദം നൽകിയിരുന്നുവെങ്കിലും നാട്ടുകാരുടെ എതിർപ്പിനെ തുടർന്ന് പരസ്യം സ്ഥാപിക്കാൻ കഴിഞ്ഞിരുന്നില്ല.
