ആലുവ: ആലുവ പുളിഞ്ചോട്ടില് ബൈക്കുകള് തമ്മില് കൂട്ടിയിടിച്ച് യുവതിക്ക് ദാരുണാന്ത്യം. ചാലക്കുടി മേലൂര് സ്വദേശി ലിയ ജിജി (22) ആണ് മരിച്ചത്. ബൈക്കോടിച്ചിരുന്ന കൊരട്ടി സ്വദേശി ജിബിന് ജോയിയെ (23) ഗുരുതരമായ പരിക്കുകളോടെ ആശുപത്രിയില് പ്രവേശിപ്പിച്ചു.
പുളിഞ്ചോട്ടില് മെട്രോ പില്ലര് 69-ന് സമീപം ബുധനാഴ്ച പുലര്ച്ചെയായിരുന്നു അപകടം. ഗുരുതരമായി പരിക്കേറ്റ ജിബിന് ജോയിയെ ആലുവയിലെ സ്വകാര്യ ആശുപത്രിയില് പ്രവേശിപ്പിക്കുകയും പിന്നീട് വിദഗ്ധ ചികിത്സക്കായി അങ്കമാലിയിലെ സ്വകാര്യ ആശുപത്രിയിലേക്ക് മാറ്റുകയും ചെയ്തിട്ടുണ്ട്.
