കാലടി: തിരുവൈരാണിക്കുളം മഹാദേവ ക്ഷേത്ര ട്രസ്റ്റ് ഏർപ്പെടുത്തിയ തിരുവൈരാണിക്കുളത്തപ്പൻ പുരസ്കാരത്തിന് ഈ വർഷം പ്രശസ്ത ചലച്ചിത്ര പിന്നണി ഗായകൻ മധു ബാലകൃഷ്ണനെ തിരഞ്ഞെടുത്തു. കേരള കലാമണ്ഡലം മുൻ ഡെപ്യൂട്ടി രജിസ്ട്രാർ വി. കലാധരൻ, കവി വേണു വി. ദേശം, കഥകളി സംഗീതജ്ഞൻ കലാനിലയം കെ.എസ്. രാജീവൻ എന്നിവരടങ്ങിയ ജഡ്ജിംഗ് കമ്മിറ്റിയാണ് പുരസ്കാര ജേതാവിനെ തിരഞ്ഞെടുത്തത്. 50,000 രൂപയും പ്രശസ്തിപത്രവും മെമന്റോയും അടങ്ങുന്ന പുരസ്കാരം ഒക്ടോബർ 19ന് തിരുവൈരാണിക്കുളം മഹാദേവ ക്ഷേത്രത്തിൽ നടക്കുന്ന ചടങ്ങിൽ സമ്മാനിക്കും.
