കാഞ്ഞൂർ: പഠനത്തിൽ കൈകോർത്ത ഇരട്ടകൾക്ക് വീണ്ടും തിളക്കമാർന്ന വിജയം. പ്ലസ് ടു പരീക്ഷയിൽ മുഴുവൻ വിഷയങ്ങളിലും എ പ്ലസ് നേടി ശ്രദ്ധേയരായി. കാഞ്ഞൂർ അയ്നാടൻ വീട്ടിൽ ഡേവിസിന്റെയും മെറീനയുടെയും മക്കളായ അനിതാ ഡേവിസും ആതിര ഡേവിസുമാണ് ഈ നേട്ടം സ്വന്തമാക്കിയത്.
എസ്.എസ്.എൽ.സി പരീക്ഷയിലും ഇരുവരും മുഴുവൻ വിഷയങ്ങളിലും എ പ്ലസ് നേടിയിരുന്നു. തുടർച്ചയായ മികച്ച വിജയത്തിൽ കുടുംബവും നാട്ടുകാരും അഭിമാനത്തിലാണ്. ചെങ്ങൽ സെന്റ്; ജോസഫ്സ് ഹയർസെക്കണ്ടറി സ്കൂളിലെ വിദ്യാർത്ഥികളാണ് ഇരുവരും
