അങ്കമാലി: ബൈക്കിൽ കാറിടിച്ച് യുവതി മരിച്ചു.കാസർഗോഡ് നെല്ലിക്കട്ട ഇഷാന ഇസ്മത് (22) ആണ് മരിച്ചത്. ഇന്നു പുലർച്ചെ നാലുമണിയോടെ അത്താണി- എയർപോർട്ട് വി ഐ പി റോഡിൻ്റെ തുടക്കത്തിലുള്ള പെട്രോൾ പമ്പിനു സമീപത്താണ് അപകടം നടന്നത്. ബൈക്കിനു പുറകിൽ യാത്ര ചെയ്ത യുവതിയാണ് മരിച്ചത്. അമിത വേഗതയിലെത്തിയ സ്വിഫ്റ്റ് കാർ ആണ് അപകടം വരുത്തിയതെന്ന് പോലീസ് പറഞ്ഞു. യുവതിയുടെ മൃതദേഹം അങ്കമാലി എൽ എഫ് ആശുപത്രി മോർച്ചറിയിൽ.നെടുമ്പാശേരി പോലീസ് മേൽനടപടികൾ സ്വീകരിച്ചു. വണ്ടിയോടിച്ച സുഹ്യത്ത് കാസർഗോഡ് സ്വദേശി സർഫാത്ത് പരിക്കുകളോടെ ചികിത്സയിലാണ്.
