കാഞ്ഞൂർ സെൻ്റ് മേരീസ് ഫൊറോന പള്ളിയിൽ 40 മണി ആരാധന സമാപന ദിനം ആഘോഷമായി പള്ളി ചുറ്റി ദിവ്യകാരുണ്യ പ്രദക്ഷിണം നടത്തി. പള്ളിയുടെ 1025 വർഷ ജൂബിലിയോട് അനുബന്ധിച്ച് നടന്ന ഭക്തി സാന്ദ്രമായ പ്രദക്ഷിണത്തിന് വികാരി ഫാ. ജോയ് കണ്ണമ്പുഴ മുഖ്യ കാർമികത്വം വഹിച്ചു. ദർശന സമൂഹ അംഗങ്ങൾ തങ്ങളുടെ സ്ഥാന വസ്ത്രങ്ങൾ ധരിച്ചും, ഇടവക ജനങ്ങൾ വെള്ള വസ്ത്രങ്ങൾ ധരിച്ചും തിരികളേന്തിയും പ്രദക്ഷിണത്തിൽ പങ്കെടുത്തു. പള്ളിമുറ്റത്ത് പ്രത്യേകം ദീപാലങ്കാരങ്ങളും ഒരുക്കിയിരുന്നു.
