അങ്കമാലി: അങ്കമാലി നിയോജകമണ്ഡലത്തില് മറ്റൂര്-കരിയാട്-എയർപോർട്ട് റോഡ് ബി.എം. ബി.സി നിലവാരത്തില് നിര്മ്മിക്കാന് 3 കോടി രൂപ അനുവദിച്ചതായി റോജി എം ജോണ് എം.എല്.എ അറിയിച്ചു. ശബരിമല തീര്ത്ഥാടനത്തോടനുബന്ധിച്ചുള്ള പ്രത്യേക റോഡ് പുനരുദ്ധാരണ പദ്ധതിയില്പ്പെടുത്തിയാണ് തുക അനുവദിച്ചിരിക്കുന്നത്. എം.സി റോഡില് കാലടി ഭാഗത്ത് നിന്നും ദേശീയപാതയിലേക്കും എയര്പോര്ട്ടിലേക്കും പോകുന്ന കാലടി പഞ്ചായത്തിലും അങ്കമാലി നഗരസഭാ പ്രദേശത്തും ഉള്പ്പെട്ട സുപ്രധാന റോഡാണിത്. എം.എല്.എ പൊതുമരാമത്ത് വകുപ്പ് മന്ത്രിയെ തിരുവനന്തപുരത്ത് നേരിട്ട് കണ്ട് നിവേദനം നല്കിയതിന്റെ അടിസ്ഥാനത്തിലാണ് ഇപ്പോള് തുക അനുവദിച്ചിരിക്കുന്നത്. അങ്കമാലി നിയോജകമണ്ഡലത്തിലെ എല്ലാ സുപ്രധാന പൊതുമരാമത്ത് റോഡുകളും ഇപ്പോള് ബി.എം ബി.സി നിലവാരത്തിലേക്ക് ഉയര്ത്തുകയാണ്. ഭരണാനുമതി ലഭ്യമായ സാഹചര്യത്തില് ടെണ്ടര് നടപടികള് പൂര്ത്തീകരിച്ച് റോഡ് നിര്മ്മാണം ഉടന് ആരംഭിക്കുമെന്ന് എം.എല്.എ അറിയിച്ചു.
