ആലുവ: ആലുവയിൽ വൻ ആംബർഗ്രീസ് (തിമിംഗല ഛർദ്ദി) വേട്ട. ഒന്നര കിലോഗ്രാം ആംബർഗ്രീസുമായി അഞ്ചംഗസംഘം പിടിയിലായി. ഒരു കോടി രൂപ വിലമതിക്കുന്ന തിമിംഗല ഛർദ്ദിയാണ് പിടികൂടിയത്. വിൽപനയ്ക്കായി എത്തിച്ചതായിരുന്നു ആംബർഗ്രീസ്. മേക്കപ്പാല ഫോറസ്റ്റ് സ്റ്റേഷൻ ഡെപ്യൂട്ടി റേഞ്ച് ഫോറസ്റ്റ് ഓഫീസറുടെ നേതൃത്വത്തിലുള്ള സംഘം രഹസ്യവിവരത്തെത്തുടർന്ന് നടത്തിയ പരിശോധനയിലാണ് സംഘം പിടിയിലായത്.
മൂവാറ്റുപുഴ തൃക്കളത്തൂർ സ്വദേശി ഷിബി (47), അടിമാലി മന്നാംകണ്ടം സ്വദേശി ജിലീഷ് മോൻ (35), കോട്ടയം കുറിച്ചി സ്വദേശികളായ അഖിൽ കെ അനിൽകുമാർ (31) സബിൻ ജെ സണ്ണി (30) മലപ്പുറം തിരൂർ സ്വദേശി ഫൈസൽ (37) ഇടുക്കി വണ്ണപ്പുറം സ്വദേശി സിജു സി എൻ (49) എന്നിവരാണ് പിടിയിലായത്.
മേക്കപ്പാലാ ഫോറസ്റ്റ് സ്റ്റേഷൻ ഡെപ്യൂട്ടി റെയിഞ്ച് ഫോറസ്റ്റ് ഓഫീസർ ദിദീഷ് കെ, സെക്ഷൻ ഫോറസ്റ്റ് ഓഫീസർജിമ്മി സക്കറിയ, ബീറ്റ് ഫോറസ്റ്റ് ഓഫീസർമാരായ അനസ് എം എ, അനസ് കെ. എം, ബേസിൽ ചാക്കോ, ജിതേഷ് വാര്യർ, രാജേഷ് കെ ആർ, ഭൂപേഷ് കുമാർ,അരുൺ കെ എസ്, ലിഞ്ജു വേലായുധൻഎന്നിവരാണ് അന്വേഷണ സംഘത്തിൽ ഉണ്ടായിരുന്നത്.
