കൊച്ചി: കൂട്ടുകാർക്കൊപ്പം കുളത്തിൽ കുളിക്കാനിറങ്ങിയ ഒമ്പതാം ക്ലാസ് വിദ്യാർത്ഥി മുങ്ങി മരിച്ചു .ഫോർട്ടുകൊച്ചി തുരുത്തി താനത്ത് പറമ്പിൽ അയ്യൂബിൻ്റെ മകൻ സഹൽ (14) ആണ് പെരുമ്പടപ്പ് കൊവേന്തയിലെ പെരുമാൾ കുളത്തിൽ മുങ്ങി മരിച്ചത്. ഞായറാഴ്ച ഉച്ചക്ക് 3 മണിയോടെയായിരുന്നു സംഭവം .വീട്ടിൽ നിന്നും ഊണ് കഴിഞ്ഞ ശേഷം ഫുട്ബോൾ കളിക്കുവാൻ പോകുകയാണെന്ന് വീട്ടുകാരോട് പറഞ്ഞാണ് ഇറങ്ങിയത്.
കുളിക്കുന്നതിനിടെ സഹൽ കുളത്തിലെ ചെളിയിൽ പെടുകയായിരുന്നു. കൂടെ ഉണ്ടായിരുന്ന കുട്ടികളുടെ കരച്ചിൽ കേട്ട് ഓടിയെത്തിയ നാട്ടുകാരാണ് സഹലിനെ പുറത്തേക്കെടുത്തത്. പെരുമ്പടപ്പിലെ സ്വകാര്യ ആശുപത്രിയിൽ എത്തിച്ചെങ്കിലും മരണപെടുകയായിരുന്നു . സാഹിൽ ,അൻസിയ എന്നിവരാണ് സഹോദരങ്ങൾ. ഫോർട്ടുകൊച്ചി സെൻട്രൽ കൽവത്തി ഗവ: ഹൈസ്ക്കൂൾ വിദ്യാർത്ഥിയാണ്.
