സേലം: തമിഴ്നാട്ടിലെ സേലം ജില്ലയിലെ ശങ്കരിയില് ബുധനാഴ്ച പുലര്ച്ചെ ഉണ്ടായ വാഹനാപകടത്തില് ഒരു പെണ്കുട്ടി ഉള്പ്പെടെ ആറ് പേര് മരിച്ചു. അപകടത്തില് രണ്ട് പേര്ക്ക് പരുക്കേല്ക്കുകയും ചെയ്തു.സെല്വരാജ് (50), എം അറുമുഖം (48), ഭാര്യ മഞ്ജുള (45), പളനിസാമി (45), ഭാര്യ പാപ്പാത്തി (40), ആര് സഞ്ജന (1) എന്നിവരാണ് മരിച്ചത്. ഈറോഡ് ജില്ലയിലെ പെരുന്തുരയ്ക്കടുത്ത് കുട്ടംപാളയത്തുള്ളവരാണ് അപകടത്തില്പ്പെട്ടത്. റോഡരികില് നിര്ത്തിയിട്ടിരുന്ന ട്രക്കില് മിനിവാന് ഇടിക്കുകയായിരുന്നു.
