തൃശ്ശൂർ: സംസ്ഥാനത്ത് ഇന്ന് വന്യജീവി ആക്രമണത്തിൽ 2 മരണം.തൃശ്ശൂരിൽ ഒരു സ്ത്രീയെ കാട്ടാന ചവിട്ടിക്കൊന്നു. പെരിങ്ങൽക്കുത്തിനു സമീപം വാച്ചുമരം കോളനിയിലാണ് സംഭവം. വാച്ചുമരം കോളനിയിൽ ഊരുമൂപ്പന്റെ രാജന്റെ ഭാര്യ വൽസല (43) ആണ് മരിച്ചത്. കോഴിക്കോട് കക്കയത്ത് കാട്ടുപോത്ത് ആക്രമണത്തിൽ കർഷകൻ മരിച്ചു. പാലാട്ടിയിൽ അവറാച്ചൻ എന്നയാളാണ് മരിച്ചത്. കാട്ടുപോത്ത് ആക്രമണത്തിൽ ഗുരുതര പരിക്കേറ്റ അവറാച്ചനെ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. ഡാം സൈറ്റ് റോഡിൽ വെച്ചാണ് ആക്രമണം ഉണ്ടായത്.
