കാലടി: മലയാറ്റൂർ ടോളിൽസ് വേർഡ് സ്‌കൂളിൽ നടന്ന സെൻട്രൽ കേരള സഹോദയ റോളർ സ്‌കേറ്റിങ് ചാമ്പ്യൻഷിപ്പിൽ എവർ റോളിംഗ് ട്രോഫി ടോളിൻസ് വേൾഡ് സ്‌കൂൾ കരസ്ഥമാക്കി. സെൻട്രൽ കേരളാ സഹോദയ സ്‌പോർട്‌സ് കോഡിനേറ്റർ സി.സി സുഭാഷ്, മലയാറ്റൂർ ടോളിൻസ് വേൾഡ്
സ്‌കൂൾ ചെയർമാൻ ഡോ. കെ.വി. ടോളിൽ എന്നിവരിൽ നിന്ന് ടോളിൻസ് വേൾഡ് സ്‌കൂൾ സ്‌കേറ്റിങ് അധ്യാപകൻ വി.വി കണ്ണനും മത്സരാർത്ഥികളും അധ്യാപകരും ചേർന്ന് ട്രാഫി ഏറ്റ് വാങ്ങി. ആദ്യത്തെ റണ്ണറപ്പ് സെന്റ്. തോമസ് പബ്ലിക് സ്‌കൂൾ പെരുമ്പാവൂരും, രണ്ടാമത്തെ റണ്ണറപ്പ് സി.എം.ഐ പബ്ലിക് സ്‌കൂൾ ചാലക്കുടിയും കരസ്ഥമാക്കി.
ഡോ. കെ.വി ടോളിൻ, സെൻട്രൽ കേരളാ സഹോദയ സ്‌പോർട്‌സ് കോഡിനേറ്റർ സുഭാഷ് സി.സി, ടോളിൻസ് വേൾഡ് സ്‌കൂൾ വൈസ് ചെയർ പേഴ്‌സൺ ജെറിൻ ടോളിൻ, ഡീൻ സൂസൻ വർഗ്ഗീസ് ചെറിയാൻ എന്നിവർ വിജയികളായ സ്‌കൂളുകൾക്ക് ട്രോഫികൾ നൽകി. 45 ഓളം സ്‌കൂളുകളിൽ നിന്നായി 700 ഓളം വിദ്യാർത്ഥികൾ ചാമ്പ്യൻഷിപ്പ് പങ്കെടുത്തു. 8 വിഭാഗങ്ങളിലായിരുന്നു മത്‌സരങ്ങൾ. മത്‌സരത്തിൽ പങ്കെടുക്കാനെത്തുന്നവർക്ക് വിപുലമായ സജീകരണങ്ങളാണ് ടോളിൽസ് വേർഡ് സ്‌കൂൾ അധികൃതർ ഒരുക്കിയിരുന്നത്.
