തൃശ്ശൂര്: തൃശ്ശൂര് വെളപ്പായയില് ട്രെയിനില് നിന്ന് ടിടിഇയെ തള്ളിയിട്ടു കൊന്നു. ടിടിഇ കെ വിനോദ് ആണ് കൊല്ലപ്പെട്ടത്. ടിക്കറ്റ് ചോദിച്ചതിന്റെ പകയില് അതിഥി തൊഴിലാളിയായ യാത്രക്കാരന് ട്രെയിനില് നിന്ന് തള്ളിയിടുകയായിരുന്നു. വീഴചയില് തലയിടിച്ചാണ് മരണമെന്നാണ് പ്രാഥമിക നിഗമനം. ചൊവ്വാഴ്ച വൈകീട്ടോടെ എറണാകുളം-പാട്ന ട്രെയിനിലാണ് സംഭവം.
മൃതദേഹം തൃശൂര് ഗവ. മെഡിക്കല് കോളജില് സൂക്ഷിച്ചിരിക്കുകയാണ്. ഒഡിഷയില് നിന്നുള്ള ഭിന്നശേഷിക്കാരനായ അതിഥി തൊഴിലാളി രജനീകാന്ത് പാലക്കാട് റയില്വെ പൊലീസിന്റെ കസ്റ്റഡിയിലാണ്
