കാലടി: തിരുവൈരാണിക്കുളം ക്ഷേത്ര ട്രസ്റ്റ് നടത്തി വരുന്ന മംഗല്യം സമൂഹ വിവാഹത്തിന് നിർധനരായ യുവതിയുവാക്കളുടെ മാതാപിതാക്കളിൽ നിന്നും അപേക്ഷ ക്ഷണിച്ചു. അപേക്ഷകൾ 22 മുതൽ ക്ഷേത്ര ട്രസ്റ്റ് ഓഫീസിൽ നിന്നും ലഭിക്കും. പൂരിപ്പിച്ച അപേക്ഷ നൽകേണ്ട അവസാന തിയതി ഫെബ്രവരി അഞ്ച്.
കൂടുതൽ വിവരങ്ങൾക്ക് ക്ഷേത്ര ട്രസ്റ്റ് ഓഫീസുമായി ബന്ധപ്പെടണം. ഫോൺ: 0484 2600182, 0484 2601182.
തിരുവൈരാണിക്കുളം ക്ഷേത്രം 2013 ൽ ആരംഭിച്ച സമൂഹവിവാഹ പദ്ധതി പ്രകാരം ഇതുവരെ 114 യുവതികൾക്കാണ് മംഗല്യഭാഗ്യം ലഭിച്ചത്. ഒരു യുവതിയുടെ വിവാഹത്തിന് രണ്ടര ലക്ഷം രൂപയാണ് ക്ഷേത്ര ട്രസ്റ്റ് ചിലവാക്കുന്നത്, വധുവിനുളള സ്വർണവും, വധുവിനും വരനുമുളള വസ്ത്രവും, സദ്യയും ഇതിൽ പെടും.
