ആലുവ: റൂറൽ ജില്ലാ പോലീസ് ആലുവ സബ് ഡിവിഷന്റെ നേതൃത്വത്തിൽ രക്തദാന ക്യാമ്പ് സംഘടിപ്പിച്ചു. ഐ.എം. ഹാളിൽ നടന്ന ക്യാമ്പ് ‘സംരക്ഷ’ ജില്ലാ പോലീസ് മേധാവി എം.ഹേമലത ഉദ്ഘാടനം ചെയ്തു. ചടങ്ങിൽ ആലുവ ഡി.വൈ.എസ്.പി ടി ആർ രാജേഷ് അധ്യക്ഷതവഹിച്ചു. അഡീഷണൽ എസ് പി എം കൃഷ്ണൻ ആദ്യ രക്തദാനം നിർവഹിച്ചു. പോലീസ് ഉദ്യോഗസ്ഥരും, കോളേജ് വിദ്യാർത്ഥികളും ഓട്ടോറിക്ഷാ തൊഴിലാളികളും റസിഡൻസ് അസോസിയേഷൻ ഭാരവാഹികളും ഉൾപ്പെടെ അമ്പതോളം പേർ രക്തദാന ക്യാമ്പിൽ പങ്കാളികളായി.
