മൂവാറ്റുപുഴ : മൂവാറ്റുപുഴയിൽ രണ്ട് അതിഥി തൊഴിലാളികളുടെ കൊലപാതകത്തിലെ പ്രതിയെ പിടികൂടി. ഒഡീഷ സ്വദേശി ഗോപാൽ ആണ് പിടിയിലായത്. ഒഡീഷയിൽ നിന്നാണ് പ്രതിയെ പിടികൂടിയത്. കൊല്ലപ്പെട്ടവരുടെ കൂടെ കഴിഞ്ഞിരുന്ന ആളാണ് പ്രതി. മൂവാറ്റുപുഴ അടൂപറമ്പിലെ തടിമില്ലിൽ ജോലി ചെയ്യുന്ന അസം സ്വദേശികളായ മോഹൻതോ, ദീപങ്കർ ശർമ എന്നിവരെ മരിച്ചനിലയിൽ കണ്ടെത്തിയത്.
കഴുത്ത് മുറിഞ്ഞ് രക്തം വാർന്ന നിലയിലായിരുന്നു മൃതദേഹം. ഇരുവരും ഏറെക്കാലമായി തടിമില്ലിലെ തൊഴിലാളികളാണ്. കൂട്ടത്തിൽ ഒരാളുടെ ഭാര്യ നാട്ടിൽ നിന്ന് ഫോണിൽ വിളിച്ച് കിട്ടാതായതോടെ മില്ലുടമയെ വിവരം അറിയിക്കുകയായിരുന്നു. എന്തോ സംഭവിച്ചിട്ടുണ്ടെന്ന തോന്നലിൽ മില്ലുടമ നാട്ടുകാരനായ ഷബാബിനോട് ചെന്ന് അന്വേഷിക്കാൻ നിർദേശിച്ചു. ഇരുവരും പുതച്ചുമൂടി കിടക്കുന്നതാണ് ഷബാബ് പുറത്തു നിന്ന് കണ്ടത്.
