മൂവാറ്റുപുഴ: വാക്കു തർക്കത്തെ തുടർന്നുണ്ടായ ഏറ്റുമുട്ടലിൽ കൊലപാതകം ഒഡീഷ സ്വദേശി അറസ്റ്റിൽ. ഒഡീഷ കേന്ദ്രപ്പാറ സ്വദേശിയായ ശരത് മഹാറാണ (മിട്ടു 36 ) യെയാണ് മൂവാറ്റുപുഴ ഇൻസ്പെക്ടർ ബേസിൽ തോമസിന്റെ നേതൃത്വത്തിൽ അറസ്റ്റ് ചെയ്തത്. ഒഡീഷ സംസ്ഥാനത്തിൽ കേന്ദ്രപാറ സ്വദേശി .രാകേഷ് ബെഹ്റ (26)യാണ് കുത്തേറ്റ് മരണപ്പെട്ടത്. മൂവാറ്റുപുഴ പേഴക്കാപ്പിള്ളി പൈനാപ്പിൾ സിറ്റിയിൽ പ്രവർത്തിക്കുന്ന പ്ലൈവുഡ് കമ്പനിയിലെ തൊഴിലാളികൾ തമ്മിലുണ്ടായ വാക്ക് തർക്കം കൊലപാതകത്തിൽ കലാശിക്കുകയായിരുന്നു.
പ്രതി ഹാക്സോ ബ്ലേഡ് കൊണ്ടുള്ള കത്തി ഉപയോഗിച്ച് രാകേഷ് ബെഹ്റയുടെ നെഞ്ചിൽ രണ്ടുതവണ കുത്തുകയായിരുന്നു. സംഭവത്തെ തുടർന്ന് അടുത്തുള്ള ആശുപത്രിയിൽ എത്തിക്കുകയും തുടർന്ന് കോലഞ്ചേരി മെഡിക്കൽ കോളേജ് ആശുപത്രിയിലേക്ക് കൊണ്ടുപോകും വഴി മരണം സംഭവിക്കുകയുമായിരുന്നു.
അന്വേഷണ സംഘത്തിൽ എസ്ഐമാരായ എസ്.എൻ സുമിത , എം.വി ദിലീപ് , കുമാരൻ കെ, ടി.എ മുഹമ്മദ് , സീനിയർ സിവിൽ പോലീസ് ഓഫീസർമാരായ എം.പി രതീഷ് , കെ’വി ഗിരിഷ് കുമാർ, കെ.ടി നിജാസ്, ജോബി പി ചാക്കോ, ക്രിസ്തുദാസ് പീറ്റർ, ഇർഫാൻഹബീബ് ,വിനോയ് കക്കാട്ടുകുടി എന്നിവരുമുണ്ടായിരുന്നു.
