കാഞ്ഞൂർ: കാഞ്ഞൂർ ജംങ്ങ്ഷനിലെ ബസ് കാത്തുനിൽപ്പ് കേന്ദ്രത്തിന് മുൻ പഞ്ചായത്ത് പ്രസിഡന്റ് എം ഉണ്ണിമേനോന്റെ പേര് നൽകി. ഉണ്ണിമേനോന്റെ ഒന്നാം ചരമ വാർഷികമായിരുന്നു വ്യാഴാഴ്ച്ച. കോൺഗ്രസ് നേതാവുമായിരുന്നു എം.ഉണ്ണിമേനോൻ. ഉണ്ണിമേനോന്റെ ഒന്നാം ചരമവാർഷികം
കാഞ്ഞൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ആചരിച്ചു. രാജീവ് ഭവനിൽ നടന്ന അനുസ്മരണ ചടങ്ങ് കോൺഗ്രസ് ബ്ലോക്ക് പ്രസിഡൻറ് കെ.എൻ കൃഷ്ണകുമാർ ഉദ്ഘാടനം ചെയ്തു. മണ്ഡലം പ്രസിഡൻറ് സെബാസ്റ്റ്യൻ പോൾ അധ്യക്ഷത വഹിച്ചു. ഐഎൻടിയുസി സംസ്ഥാന കമ്മിറ്റിയംഗം എം.ഐ. ദേവസികുട്ടി, നേതാക്കളായ കെ.ഡി. പൗലോസ്,പി. ഐ.നാദിർഷ, പ്രിയ രഘു,തോമസ് കോയിക്കര, സി.കെ. ഡേവിസ്,പി.കെ.അലി അക്ബർ എന്നിവർ സംസാരിച്ചു.
ഛായാ ചിത്രത്തിൽ പുഷ്പാർച്ചനയുമുണ്ടായിരുന്നു.ഡിസംബർ 2 ന് വൈകീട്ട് ഉണ്ണിമേനോന്റെ നാടായ ആറങ്കാവിൽ വിപുലമായ പരിപാടികളോടെ അനുസ്മരണ സമ്മേളനം നടത്തുമെന്ന് ഭാരവാഹികൾ അറിയിച്ചു.
