കാലടി ശ്രീശങ്കര പാലത്തിൻ്റെയും അപ്രോച്ചിൻ്റെയും ടാറിങിനായി 1.13 കോടി രൂപ അനുവദിച്ചതായി റോജി എം ജോൺ എം.എൽ.എ അറിയിച്ചു.
കാലടി പാലത്തിലെ ഇരു വശങ്ങളിലും, പാലത്തിന്റെ പല ഭാഗങ്ങളിലുമുള്ള ടാറിങ് ഇളകി പോയിരിക്കുന്നതിനാൽ വാഹനങ്ങൾ കടന്നുപോകുമ്പോൾ വലിയ തോതിലുള്ള ഗതാഗത കുരുക്ക് അനുഭവപ്പെടുന്നുണ്ട്. ഈ വിഷയം എം.എൽ.എ സർക്കാരിൻ്റെ ശ്രദ്ധയിൽ പെടുത്തിയിരുന്നു. പല സമയങ്ങളിലും അറ്റകുറ്റ പണികൾ നടത്തിയെങ്കിലും ഏതാനും ദിവസങ്ങൾ കഴിയുമ്പോൾ തന്നെ ടാറിംഗ് ഇളകി പോകുന്ന സാഹചര്യമാണ് ഉള്ളത്.
ഇപ്പോഴും പാലത്തിൻ്റെ ഇരു വശങ്ങളിലും ഉള്ള കുഴികൾ കാരണം കാലടിയിൽ വലിയ ഗതാഗത കുരുക്ക് ഉണ്ട്. അതുകൊണ്ട് കാലടി പാലത്തിൽ പല ഘട്ടങ്ങളിൽ ചെയ്ത ടാറിംഗ് പൂർണ്ണമായും ഇളക്കി മാറ്റി BMBC നിലവാരത്തിൽ ടാർ ചെയ്യുന്നതിനു വേണ്ടിയാണ് ഇപ്പോൾ തുക അനുവദിച്ചിരിക്കുന്നത്. ബിഎംബിസി നിലവാരത്തിൽ ടാറിങ് പൂർത്തീകരിച്ചാൽ അത് ദീർഘനാൾൾ നിലനിൽക്കും. തുക ലഭ്യമായ സാഹചര്യത്തിൽ ടെൻഡർ നടപടികൾ എത്രയും വേഗം പൂർത്തീകരിച്ച് ബിഎംബിസി നിലവാരത്തിലുള്ള ടാറിങ് നടത്തുമെന്ന് റോജി എം ജോൺ എം.എൽ.എ പറഞ്ഞു
