കാലടി: ഒരു കൂട്ടം വനിതകളുടെ നേതൃത്വത്തിൽ മഹാകവി ഇടശ്ശേരി ഗോവിന്ദൻ നായരുട കവിതയായ പൂതപ്പാട്ട് ദൃശ്യവത്ക്കരിച്ചിരിക്കുകയാണ്. ഇതിന്റെ അവതരണം കാലടി മാണിക്കമംഗലം ക്ഷേത്രത്തിലെ ഉത്‌സവത്തോടനുബന്ധിച്ച്‌ ശനിയാഴ്ച്ച വൈകീട്ട് 7 ന് നടക്കും. മാണിക്യമംഗലം പറയത്തപ്പടി സ്വസ്തിക് സുംബ ആന്റ് യോഗ ഫിറ്റ്‌നസ് സെന്ററിന്റെ അംഗങ്ങളാണ് ഇതിൽ വേഷമിട്ടിരിക്കുന്നത്.
അങ്കമാലി വിശ്വജ്യോതി സ്‌കൂളിലെ ഇംഗ്ലീഷ് അധ്യാപികയായ പ്രേമയാണ് സ്വസ്തിക് യോഗ സെന്റർ നടത്തുന്നത്. സ്‌കൂൾ നാടക രംഗത്ത് പ്രതിഭ തെളിയിച്ച മോഹൻ അങ്കമാലി രംഗപാഠം സാക്ഷാത്കാരം നിർവഹിച്ച ഈ പരിപാടിയുടെ കൊറിയോ ഗ്രഫി ചെയ്തിരിക്കുന്നത് വിശ്വജ്യോതി സ്‌കൂളിലെ നൃത്താധ്യാപിക അമൃത ശ്രീജേഷ് ആണ്.
